作者: 六子山
六子山
六子山

股票市場一定係跟紅頂白

買股票要跟紅頂白,但好多人手持「白」股當「紅」股,以為買中下一個騰訊可以長揸等發達。但全香港二千多隻股票,有幾多隻騰訊?一隻。換句話說,喺香港買中一隻可以長揸既倍升股騰訊,機會率係0.05%。0.05%,只可以講係易中過六合彩。然後有人又會舉港燈、煤氣、中電、維他奶等等其他例子做反例。但這些股票,佔整體可買股票既%係幾多?有無1% — 即大約二十隻股票?

跟據差餉物業估價署數據,香港租金回報率,只有40平方米的單位在2.6%水平,其餘均在2.3%或之下。而現時三個月Libor已在2.3%水平。在聯繫匯率下,美國一直加息,香港息口只能跟隨,依家不少銀行已提供超過2%的一年定期,用投資角度睇,買樓收息已經同放定期差唔多。如果美國再加息,而港息再上,例如當定期有2.5%至3%回報時,買樓收租就唔再值得做。

聽人分析不如自己睇圖。比較港美兩地指數,可見恒生及國企指數昨日跌穿支持位,國指又比恆指弱,如無法重返18,000樓上(右上圖),用量度幅度計,下行可見10,000之範圍。美國方面中小企明顯跑贏大型企業。羅素2000指數越升越有,五月突破阻力位後節節上升,同期代表大型股票的標普500指數,仍未升穿一月的歷史高位。

六月初有德國雜誌報道,德國汽車製造商把Tesla_Model_3拆骨研究,工程師以平均一個星期製造10,000架的成本計,Model_3的總製造成本是$28,000美元,當中$18,000是材料,$10,000是人工及生產成本,遠比出售價$35,000低。馬斯自己更賣花讚花香,說這篇報道是歷來分析Model_3分析得最好的。Model_3每賣一架賺$7,000這個江湖傳聞,可能這就是其股價近日不斷上升的原因。

今次用美股及港股的走勢做比較。睇圖可見,納指及羅指最近創歷史新高,標普落後於兩指,但走勢一浪高於一浪。香港恆指走勢最差,仍受制於31,800點的水平。美股走勢領先,上周就有50多隻五十億美元市值以上之大價股,股票創歷史新高。

瑞士鬼侤設計左四個指標,計完一輪,就話香港競爭力上年高過美國。喂,大佬,咁同一個會考狀元全科5**,然後狀元個怪獸家長話呀仔成就高過李嘉誠有乜分別?李嘉誠無考會考,咁你個仔成就從會考角度講,一定高過李嘉誠,但實際上又係咪呢?唔好自欺欺人啦。

偵測市況既其中一個有效方法,就係比較幾個大指數既走勢。用美股做例子,我自己會留意四個美股指數:道瓊斯工業平均指數(道指)、標普500指數(標普)、納斯達克指數(納指)及羅素2000指數(羅指)。簡單分析下,道指及標普代表美國大市值藍籌股票,納指代表美國科技企業之股票,而羅指就代表美國本土中小企之股票。道指由三十隻企業之股票所組成;標普五百隻股票;納指超過三千隻股票,當中近半係科技股;羅指二千隻股票。好多人會將羅指當作美國經濟之重要指標,因為中小企業,更能反映美國本地經濟之情況。

早排有隻五洲國際(1369)由$0.9一直跌一直跌到$0.4,然後跌到停牌。四個月跌左55%,有貨在手嘅痛到阿媽都唔認得,損失慘重。投資/投機第一戒條就係保本。失去本金,不單血汗錢倒落股海,而且心靈受創,誓神劈願話永不再投資股票,然後又在歷史高位人入我入,成手蟹貨,大有人在。

瑞士有一個學院年年都公布全球競爭力報告排名,香港永遠頭幾位,上年仲高過美國,今年才給美國爬頭。好一個笑話,香港競爭力何曾高過美國?

美國羅素2000——代表二千隻股票市值較細之指數,上周剛創歷史新高。從圖表睇,羅素2000上周升穿梯形上阻力位創新高(如圖),但同期標普及道指——兩指代表美國市值較大股票,雖然升穿上阻力位,但離一月歷史高位還有段距離,顯示美國細價股走勢要比大股的強。

往績不代表未來,但息升不利股市?唔怪得之香港新聞愈來愈少人睇(無奈一笑)。

美國侵侵一出手,國力即刻盡顯強盛本色,真係唔講得笑。早前美國標普500及道指急跌,但兩個月後測市名單不斷有細股創新高,美股整體早有靠穩之勢。最近兩星期細股更加日日有幾十隻創新高,本欄提及的美股信用卡孖寶Visa及Master Card ,股價亦繼續創新高。新加入強勢股名單的,就有S&P Global(SPGI) 及Moody’s Corporation(MCO)。此兩股亦創歷史新高。星期中開始,更加大股創新高的次數亦愈來愈頻密。

要了解所謂中美貿易戰,一定要回到特朗普當選前,奧巴馬及希拉里等政客當政的年代。其中一個重點,是希拉里及其前總統老公克林頓成立的克林頓基金會,曾遭傳媒揭發大收外國政府捐獻,而希拉里及克林頓的一些演說,可以收取幾十萬的演講報酬,有明顯的利益衝突。大家認為,中國政府及各大企業有沒有捐獻給克林頓基金會,以換取商業利益,對損害美國利益的「非法」行為隻眼開隻眼閉?

美股道指上星期四觸及200天平均移動線,在23,400位置靠穏,並於上周五抽升。如前所述,道指的23,400範圍,是重要支持位,跌穿可見20,000。標普500指數在一月高位下調時,多次觸及200天平均移動線而並無繼續下跌,此線可以視作為重要支持水平。

2014年歐洲債務危機,觸發歐羅暴跌近40%,跌至2015後獲得支持,然後上年開始回升。但從近十年歷史睇,歐羅兌美元一直向下,除非歐羅能升穿1.25這個水平,否則向下趨勢仍然繼續。

歐羅兌美元轉弱,德國DAX指數今天就剛剛升穿雙底上升頸線,有機會上望13,500。寫這一段時有少少手震(笑),因為六子山下午剛剛錯過了買入時機。個人經驗,突破高追通常無好結果,只能等待回調。

頁 1 / 3123