@小盛女
小盛女
小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

話說星期六喺我食飽飯涼緊冷氣,非常嘆之際,阿媽突然打開咗屋企度門,然後大嗌:「嘩,水浸呀!快啲嚟幫手!」然後我、阿爸同男友就著住拖鞋出去睇吓究竟咩事。出到去只係見到有個看更喺走廊不停用垃圾剷裝地下嘅水,旁邊有個超級大嘅筒已經裝滿六成水,成條走廊都浸滿水,水位大概一至兩吋高。

純熟意外 vs 自己攞嚟

頭先我就親眼見到有個女人望都無望有無車就直接衝出去條馬路度,好彩佢男友撲出去一手捉佢返嚟,巴士司機又同時間急停佢先無事,之後佢仲不停打佢男友,話做咩捉住佢,搞到佢好「𤓓」,原來有人寧願畀車撞都唔想「𤓓」,真係好難理解。

老唔係大晒㗎!

「阿伯嗰度咪有位囉,佢都未拎飛仔!」侍應B燥底地說。「咁即係點呀?叫佢走呀?」侍應A說。「叫佢坐過一個位啦!」侍應B說。「阿伯你坐過一個位啦。」侍應A說,點知阿伯郁都唔郁,我哋就繼續企,須知道嗰度地方唔大而且非常忙碌,侍應拎住啲B仔涼粉同一盤盤生果走嚟走去,我哋係會好阻掟。「阿伯你坐過一個位啦!人哋兩個人呀!」侍應B說,阿伯仍然係郁都唔郁,你要知道,老人家係有免死金牌,如果你話佢,唔理點都好,都一定係個後生嘅錯,一陣又比人拍片擺上網。

小時候與父母外出吃飯,一PK便會被罵,罵我不小心,沒有看清楚路,還會問我:「你有乜理由咁都會仆親?」我不懂回答,所以無論仆成點,流血又好點都好,我只會立刻爬起身,並說:「無事,我無事。」有人說現在的家長過份寵愛小朋友,流鼻血都要打999,那當然是太誇張,但從前的家長又是否太嚴格呢?

「喂喂,Ryan比咗張單我,每人百三。」Maggie說。「唓,我都話佢唔會請㗎啦,姑寒到死,佢想簽卡儲積分咋嘛!」另一個男同事說。「我做咗五年都未見過佢請人食飯,最記得係以前有個新丁竟然蠢到大大聲同佢講多謝, Ryan即刻話唔係免費,搞到佢幾尷尬呀陰公豬!」Maggie說。

「吓?今年又係加得一千蚊咋?咁有排都儲唔到錢結婚啦,更加唔使諗咩買樓、生小朋友喇。」Brenda說。

其實日常生活中男女之間少不免會有啲身體接觸,如果大家已經好熟,friend過打band,當然無乜所謂啦,亦唔會諗佢究竟係咪想抽水,但當一個唔熟嘅朋友,甚至係陌生人,可能掂到你條頭髮咁大把你都覺得佢擺明係想抽水,實行啤到佢實一實。其實遇到以上情況,Kate小姐大可轉用麻甩tone:「喂,我自己行得啦,仲細咩!」起碼畀男方知道你唔鍾意佢掂你,而唔係笑笑口咁繼續行,令人有所誤會。可惜現實中有啲情況係比較難出聲,例如人哋幫緊你又或者對象係唔得罪得嘅人(老細)。

「點搞都無所謂呀,BB鍾意就得,其實簡簡單單已經好好。」可惜每個人對「簡單」一詞嘅詮釋都唔同,再加上父母、兄弟姊妹、同事、豬朋狗友、三姑六婆嘅「意見」,真係諗起都已經覺得好煩。無錯,你可以話:「結婚係我哋兩個嘅事!關你哋叉事咩!」然後出走去外國結婚,不過你返到嚟其實一樣都係要煩,因為一定會有一堆人問你做咩唔擺酒,你可以避開唔見佢哋,但就可能到你爸媽受罪:「哎呀,乜你個女嫁人都唔擺酒呀?而家擺酒都唔係好貴啫,唔係無錢掛?」真係慘慘豬。

「BB,你係咪有嘢唔記得咗?」Brenda說。「係喎,Goodbye kiss!」Mike說,並準備親下去「唔係呀,你係咪有嘢唔記得比我?今日我地一周年。」Brenda說,並推開了他。「吓?我無準備呀,你話唔使嘅。」Mike說。「。。。」Brenda甚麼也沒說,面如死灰,轉身便走,Mike亦來不及反應,只能眼白白看著大門「啪」一聲關上。

愛一個人,就會關心佢,想知道佢嘅行蹤,更誇張嘅係要知道五個W一個H:Where(去邊)、When(幾時)、Who(同邊個)、What(做咩)、Why(點解)、How(點樣),Crystal就是這種女人。或許是因為有個出軌的爸爸,又或許是從前被賤男背叛過太多次,所以這次即使她遇上乖乖男Ricky,她仍然非常缺乏安全感,任何時候都要痴住他,於是Ricky一和朋友食飯、打機,她就會開始覺得男友被搶走,開始發作,像審犯般不停質問他。

喺機舖我鍾意玩射喪屍、咩咩crisis嗰隻槍game、拍拍機、籃球機、太鼓、料理達人、找不同、Mario賽車,其實咩都玩一餐。唔知係情意結定咩,梗係覺得越舊嘅game越好玩,而同一隻game,一個人玩同一班朋友一齊玩又真係差好遠,有人一齊嗌吓,無論輸贏都一樣咁開心。有時壓力大,去射吓喪屍,真係咩氣都消晒,而我又好好彩無論係讀中學、副學士定係大學嘅時候都總會搵到幾個豬朋狗友陪我去打機,你知啦有啲女仔一聽到打機都會 say no,話去行街街好過,而男仔呢又會覺得你阻手阻腳唔肯一齊玩,要搵機友唔易㗎!

我的70後同事

有同事竟說不懂google,是不能,還是不為?大家心裡清楚。不過亦有些同事是真心膠,會問為何手機連接電腦後看不到相片?(你未解鎖)、為何下載的文件會不見了?(在下載的文件夾嘛),實在是令人哭笑不得。

話說某一天零晨十二時多Brenda都還沒有收到Mike的「報平安」的電話,即使是塞車,最遲都應該十一點便回到家中。打電話給他,卻響了一下便掛線,接着打了十多次電話也是「你已被接駁到。。。」難道是電話無電?但回家應該也可以充電,還是電話被偷了?不會是發生甚麼意外吧?電影總有些情節是男主角撞車,然後電話壞了,女主角打不通,Brenda越想便越擔心。

作為一個專業嘅PR,係要喺任何情況下都可以扮親切同假笑,所以其實要Brenda咁做唔係好難,只係佢無諗過放工之後都仲要繼續戴住呢個假面具去應酬,須知道女人一唔舒服個樣就會好殘、面青口唇白,除咗男朋友同屋企人之外,係乜人都唔想見,何況係男朋友嘅朋友加女友。不過面係要畀嘅,戲仍然要做落去,所以Brenda掛線後便進洗手間補補裝,食粒止痛藥再去攞位。

好爸爸不等如好丈夫

爸爸是個大男人,大男人也不同種類之分,當中有一類是目中無人、祟尚父權主義、腦內一堆歪理的,在他的思想中,他就是唯一的王,其他女人都是為了取悅他而生存,所以他包二、三、四奶也不覺得有問題,只要懂得回家便可。他視女人如玩具,有錢便可以買,玩厭了便買另一個,唯獨是面對他的女兒Crystal,才會低聲下氣,扮小丑哄她開心。他最疼愛的便是Crystal,給她吃最好的、穿最好的、住洋樓養番狗,亦非常保護她,又或許是過份保護她。

喂,做嘢係要畀錢㗎!

無論係大project定細project,啲客都會覺得係超級無敵大project,然後有十萬個要求,仲要好天馬行空,分分鐘難過上太空,而marketing嘅責任就係令designer喺期限內完成呢啲不可能嘅任務。有時做到迷迷惘惘真係會有錯覺以為自己跟緊個過百萬嘅大project,然後突然清醒返就會發覺只係跟緊塊幾千蚊嘅燈箱膠片,幾千蚊玩你成個月,完全係有可能發生嘅事