@小盛女
小盛女
小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

我家裡的keyboard由初中開始用到現在都沒有洗過,可想而知裡面有多麽可怕。Mike來到我家便問我拿十字批立刻開始拆keyboard,他一邊拆我一邊心想這裡豈止幾粒螺絲?擘開第一塊板之後又要轉用另一個較小的十字批再拆一層螺絲,然後拿起左上角類似電路板的東東,才可以拿走鍵盤和膠墊去清洗。他首先裝滿一桶水,將keyboard像搖搖板一樣在水中搖,髒物便浮出來,再反轉keyboard用水喉沖,因為要等字粒突出來沖才乾淨。

讀小學嘅時候爸爸買咗隻北京狗畀我,可能係驚我一個人太悶掛?隻狗叫小白,因為佢白雪雪,眼大大,仲好活潑,每次我返到屋企佢都會撲埋嚟擺晒尾咁歡迎我。平日我會帶佢去散步,應該話係佢帶我去跑步,因為佢跑得好快,係咁扯我行。有時我餵佢食嘢會將佢啲狗糧掉到好遠,佢就會跑去食,又或者我會匿埋喺度門後面同佢玩捉伊人,總之乜都可以玩一餐。

口不對心,女人最勁

「都咁夜喇,你唔好嚟接我放工喇。」Brenda說。「好啦,咁我返屋企先,你都唔好咁夜喇,拜拜。」Mike說,並掛線了。五分鐘後。。。「無口齒!講咗嚟接我又唔嚟接!嬲死你,哼!」Brenda突然傳來一個Whatsapp。「吓?你頭先唔係話夜,叫我唔好嚟咩?」Mike說,女人心真係海底針。「我理性上唔想你嚟,但我感性上好想你嚟㗎嘛!」Brenda說。

老老竇竇其實返工為乜?我好現實,我真係為錢㗎咋。初初出嚟做嘢嘅時候都仲會好天真咁話返工係希望學到嘢、拎到成功感、識到班好同事等等,有時真係傻到會為咗上司嘅一句讚美說話而搏晒命去做,加班都在所不計,但係當努力得唔到回報嘅時候,個人就會開始醒

愛情試用期

愛情和工作一樣,暗暗中也有一個試用期,只是界線比較模糊,可能一個月,可能半年,甚至可能是一年或幾年。Brenda還記得未和Mike拍拖的時候,每次約會他都會比自己早到,而且一早想好去吃甚麼餐廳,中西日韓泰越都有,當然還會預早訂位,如果要等位的話便一早去排隊,睇戲的話便上網買好票。每次約會都有不同的活動,上山下海永無悶場,一時去南丫島享受大自然,一時去市集做藝文青,閒時又會送上小驚喜或小禮物,當然還有數之不盡的甜言蜜語和關心。

同女友鬧交點算好?

「你又遲到,今次係第幾次?」Brenda黑面地說。「唔好嬲啦,下次唔會㗎喇,對唔住呀。」Mike說,先認錯實無死,起碼唔會火上加油。「下次下次,你上次去長洲同上上次去佐敦谷都遲到啦!」Brenda說,女人都愛翻舊帳。

話說某個早上,Brenda到廚房打算煮麥皮當早餐,拿起水煲放了水,正想把水煲放上爐時卻看到一團啡黑色的東西,由於沒有戴眼鏡,便把頭靠近一看,當然換來一聲慘叫,原來一隻街邊size(即是好很大)的小強正悠閒地躺在爐上曬太陽,她直奔睡房向媽媽求救,可惜天下女人,不分年紀,也是怕小強的(大部分),不過母愛總是偉大,Brenda媽還是硬著頭皮走進廚房,並叫Brenda拿電蚊拍給她。

人夠假,便無敵?

「好有型呀你著呢套西裝,好fit呀!啱啱好!」同事A說。我望過去,佢個客係一個肥佬,我想講佢件西裝係紐都扣唔埋,當時我真係好想好想笑,但係我死都忍住,咬到個嘴唇都差啲爛,我心諗點解同事A可以咁假。「呢隻色唔係個個都carry到,但係你得!睇落仲好醒神!」同事B說。我又望過去,佢個客好瘦,面色又黃黃哋,唔係白白淨或者黑黑實實嗰啲男人,佢試緊件屎色嘅皮褸,我心諗點解同事B咁無良心係都要sell佢買呢件完全唔襯佢嘅褸。

話咁快又到咗開學日,唔止學生哥傷心,連我呢個打工仔都覺得好悲哀,因為開學係意味著將會有多一倍以上嘅人同我一齊逼巴士同埋超級塞車。好不幸地今朝我去第二個站搭巴士嘅時候已經無晒位要企,然後有個大媽掛住㩒電話,當咗我隻手係扶手,其實只要佢同我講句唔好意思,我就算數,點知佢無,仲要用佢美麗嘅秀髮不停掃我隻手,我真係勁想鬧爆佢,但又淆底,你知啦大媽發癲真係好得人驚,一陣有人拍埋片就弊。

有時撞啱每月一痛,再病埋,頭痛、流鼻水、咳加發燒,真係好辛苦,不過人嘅潛能係好大,當你忙到一個頂點嘅時候,唔單止會唔記得咗肚餓要食lunch,仲會唔記得咗自己病緊,因為連擤鼻涕嘅時間都無,通常快快手啪兩粒藥,入廁所補補妝,就繼續開行turbo做嘢,見客、跟shooting或者出event。因為工作嘅世界入面,病係無人會可憐你,病都係要做晒啲嘢。

每次agency交稿過嚟,其實「極品」都會scan一次,改好先畀老細睇,如果老細讚篇稿寫得好,佢就會話:「好彩我幫agency執過晒咋!之前好多錯漏,都唔知佢想寫乜。」如果佢已經自己執過/重寫一次,老細都話篇稿寫得差,佢就會話:「agency啲嘢真係好唔掂囉,成日交啲垃圾過嚟!激死我!」無論點都好,都只會係agency嘅錯。

養小朋友其實真係好恐怖

說小朋友是魔鬼與天使的化身絕對恰當不過,平日乖巧時確實是非常可愛,不但表情趣怪,更會說BB話逗你開心,一舉手一投足都足以令你大嗌一句:「巧打耳牙!」不過小朋友的心情比天氣轉得還要快,這一秒是晴天,下一秒已是八號風球,行雷閃電橫風橫雨,而且兩者之間是沒有任何緩衝時間,隨時殺你一個措手不及,實在是很可怕。

PokémonGo的威力真的很強,聽說搭叮叮可以孵蛋,果真有很多人在排隊搭叮叮,而且大部份都是年青的上班族或後生仔女,Brenda本以為可以坐著慢慢捉精靈,誰知等了幾架叮叮都滿人,只好企位也照上。沿途經過很多補給站,也有很多精靈出現,不過都是波波和蝙蝠等低lv精靈,所以她都是隨便捉幾隻提升經驗值便算,直至噴火龍的出現!簡直是既緊張又興奮,她立即轉用藍波,可是在叮叮上搖來搖去掟不準,捉了幾次也失敗,加上沒有扶穩扶手,更不小心跌向旁邊的西裝男。

同事五大難頂行為

一日起碼有九小時以上都係喺公司,當然有好多「有趣」嘅事發生。以下就係我覺得同事最難頂嘅行為

話說星期六喺我食飽飯涼緊冷氣,非常嘆之際,阿媽突然打開咗屋企度門,然後大嗌:「嘩,水浸呀!快啲嚟幫手!」然後我、阿爸同男友就著住拖鞋出去睇吓究竟咩事。出到去只係見到有個看更喺走廊不停用垃圾剷裝地下嘅水,旁邊有個超級大嘅筒已經裝滿六成水,成條走廊都浸滿水,水位大概一至兩吋高。

純熟意外 vs 自己攞嚟

頭先我就親眼見到有個女人望都無望有無車就直接衝出去條馬路度,好彩佢男友撲出去一手捉佢返嚟,巴士司機又同時間急停佢先無事,之後佢仲不停打佢男友,話做咩捉住佢,搞到佢好「𤓓」,原來有人寧願畀車撞都唔想「𤓓」,真係好難理解。