@小盛女
小盛女
小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

每間公司都有一個神射手

神射手,顧名思義,就是最叻射波,百發百中。射波在工作上大概可以指同事詐病突然請假,把波(工作)射(交給)給其他同事的意思,但神射手其實又點止咁簡單?神射手除了會突然請假,即是沒有預先交低身後事,令其他同事要幫忙執手尾外,平日亦會想盡辦法將所有麻煩事或蘇州屎射給同事,特別是新同事。

除了跟訪問,Brenda間中也會和Rex外出開會,主要都是負責寫會議紀錄,Rex通常都會開車去,或是叫司機來接他們,可能老闆都不喜歡和人迫巴士或地鐵吧?Rex的車不是甚麼名貴跑車,只是普通Benz;他開車技術很好,很穩,讓人坐得很舒服,不過Brenda從不敢在車上睡;車上有濃烈的香薰味,Brenda很不喜歡,不知為何每次坐得太久的話都會有點頭痛。

第一天上班她便和同事一起試食松露朱古力,經理問她覺得味道如何,她如實說:「好味。」經理卻說:「其實這是次貨,用料比例不對,溫度控制亦不佳,試多幾次你就分到。」Brenda覺得很尷尬,因為她真的覺得很好吃,絕非是想擦公司鞋,或許是她從沒吃過100分的松露朱古力,所以吃到70分的便已經覺得很好吃了。

「頂!原來你企喺出面!等我仲喺入面等你,仲要掛住whatsapp望唔到我!有無搞錯呀!」Brenda憤怒地說。「我覆緊公司嘢,電話又就無電,咁講咗朗豪坊正門等就正門等㗎啦,我有乜嘢做錯?」Mike無奈地說。「你唔見我就應該打比我!公司啲嘢你遲啲覆使死呀?你知唔知我已經等咗你好耐!」Brenda繼續生氣地說,潑婦罵街也算這種。

承諾,其實只會令人失望

「我仲未走得呀。」Mike說,那時已經是七點多。「仲有幾耐?我搭車過嚟等你吖。」Brenda說。「唔好喇。」Mike說。「點解你十次有九次都係咁?應承咗嘅嘢又做唔到,其實我已經對你講嘅嘢無晒信心,你永遠都係得把口講,你幾時有真正做到過?其實要OT咪講囉,點解次次都要比假希望我啫!」Brenda連珠炮發地說,簡直生氣得想哭。

仲送禮物?請食飯啦喂!

「以前花心思整禮物,而家只係請食飯,即係唔再重視我啦?」非也,只是你有你嘅生活,我有我嘅忙碌,其實偶然可以一起吃個飯,吹吹水已經很滿足,而且每次吃到好吃的食物我都會覺得很幸福,所以我亦希望為朋友帶來這種幸福,最重要的是,我們不常見,其實我已經不知道應該買甚麼送給你,如果煩惱一大餐,卻買了不合心意的禮物,浪費金錢,然後朋友又覺得禮物用之無味,棄之可惜,於是家裡堆積越來越多唔等使的東東,何必呢?

「飲少少啫唔驚喎,哥哥睇住你。」Mike說,再加個林峰style_chok樣。「Er…我…」Brenda尷尬地說。「Mike!啲單你入晒喇咩?好得閒呀你而家!響度聊妹妹仔!」老闆Michael突然從暗角出現並說。「係係,我而家即刻入!」Mike說,並心知不妙,9秒9地走回自己的坐位。

香港,還是有好人的

在熙來攘往的人羣中,女孩本想裝作自己沒事,和其他上班族一樣正常,但她實在乏力,如靠一人之力,恐怕在找到洗手間前已暈到在地上,於是她甚麼也沒理,彎著身輕輕地拍了另一個OL的肩膀,並問:「你知道最近的洗手間在哪嗎?我很暈,快不行了。」「商場裡有,我和你去。」OL毫不猶豫地說。「好痛,我想嘔。」女孩面青口唇白地說,如要形容情況有多糟糕的話,就是以她現時的模樣去萬聖節派對必定可以搶齊昕BB鏡。「撐住,好快到。」OL說,眾人都向她們投以奇怪的目光,但她們沒有理會,只是希望快點到達洗手間。

「點解最近咁多人投訴我地個蟹粉小籠包?個sales上一陣又跌返落嚟!」經理不滿地說。「Sorry,我地會繼續諗多啲新橋去推高個sales!」Senior_Maggie說。「其實會唔會係小龍包本身有問題?我地會唔會定期試食㗎?」新丁Brenda問。「做咗咁多年點會有問題?我地最出名就係小籠包,投訴嘅人分明係唔識食!」經理憤怒地說。「或者我地推團購或買一送一?」Senior_Maggie嘗試轉話題,心想希望Brenda不要再亂說話,否則試用期後可能又少個好幫手。

我只想身體健康

自從做了那間變態大公司後,除了腰痛,小腹兩邊都經常疼痛,由一個月數次變成一星期數次,再變成一日數次,本以為如醫生所說,只是因為壓力太大而腸抽根所以痛,但後來發現辭職了一樣會痛,照了X光,醫生說沒事,只是因為壓力。「但係醫生呀,我轉咗新工之後無乜壓力㗎喇喎,點解都仲係痛?」我問。「我諗最大機會都係壓力。」醫生說。咁即係點?即係醫生都唔知我咩事囉。

人越大,膽越細?

影片中有個畫面令我很吃驚,就是小時候的我竟然從鞋中抓出一隻田雞,然後以勝利者姿態拿給爺爺看,他還讚我厲害。天啊!田雞喎!不要說捉,我行街市時連一眼都不敢看,還記得小學時爸爸買了田雞回來,牠在家亂跳了幾下,然後當晚打邊爐時便煮田雞鍋,我嚇得哭了起來,還反被爸爸罵了一頓,由那天起,我便不敢再吃田雞了。

其實我真係好憎啲跑車聲

講到型格,非跑車莫屬,而且因為價格不菲,所以開跑車的男人應該都非富則貴(問人借另計),雖然不知有沒有樓揸手,但有跑車的話,相信已經有部分女人會狗衝。不過根據非正式統計(即是小盛女平日的觀察),通常開跑車的都是沒甚麼頭髮的阿叔,或充滿霸氣的土豪,每每都令小妹失望,不過這也難怪,如果沒有父幹的話,應該都需要努力到阿叔的年紀才可以開跑車,其實我也不想歧視阿叔,須知道某些地盤阿叔佬得嚟其實好有型,而如果車主是型英帥靚正的話,我便會標籤他為player或食家或富二代。

懂得如何減壓才是生存之道

有一個致命的壓力來源,就是自己。別人可能對你有著不同的期望,或許是認真說,但更有可能只是隨口嗡當秘笈,不過你都會認真對待,不希望自己會令人失望,於是每天努力做個好員工、好伴侶、好子女及好父母,然後無形中給了自己很大壓力。無錯,有時別人給你的意見是很有參考價值,但過份認真便輸了,有時別人的說話其實不用太在意,你又不是萬人迷,何需要令全世界人都要喜歡你而去討好所有人呢?其實你只要好好愛你自己,令自己每天都開開心心便已經很足夠。

港鐵裡有很多喪屍

「唔該!唔該!唔該!」我感到身後的阿姐以強而有力的手臂不斷壓迫我,其實我很想告訴她,無論你說了多少句「唔該」,說得多大聲,神情有多兇惡,只要我前面的人群未動,我是絕對不會有空位讓給你的。須知道金鐘站在下班時間簡直是一個戰場,不,應該說是一個喪屍場!當時我在港鐵車廂裡,360度都圍滿了人,迫到呼吸困難,確實前前後後左左右右都沒有一絲空隙可以讓位給阿姐,何況其實我都是在這個站下車,阿姐你等多一秒係咪會死先?

邊個話女人就唔污糟?

「好嬲呀!點解啲人次次都要痾到成塊廁所板都係尿!」Brenda對男友Mike咆吼地說。「吓?女人邊有可能會痾濕塊板呀?你地坐低痾㗎嘛。」Mike驚訝地說。「我都唔明,就算坐無影櫈咁痾,頂多都係痾濕前面啫,問題係而家圍住塊板全部都係尿!一次都算,我十次有七次都中!」Brenda說。「咁你點算?」Mike疑惑地問。「可以點算?咪拎一大疊紙巾抹乾佢,唔通唔痾咩?所以清潔姐姐真係好偉大。」Brenda嘆氣說。

朋友說:「你咪可以點返人做嘢同鬧返人囉!」老老實實,其實我唔太鍾意叫人做嘢,自己做到咪自己做囉,費事麻煩人,而且如果遇著豬一樣的隊友,真係分分鐘改到你噴血。至於鬧人,以前做agency最憎啲客無理取鬧,係又鬧唔係又鬧,所以我發誓就算我做客都唔會亂鬧人。