@小盛女
小盛女
小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

「我要同Katy姐姐玩!」可憐的Brenda仍天真地問:「Katy姐姐係邊個嚟㗎?」只見琪琪和所有姨媽姑姐靜默一片,Mike表情尷尬,Brenda知道自己已柒到核爆,只想掘地道逃回家中。

我竟然開始鍾意返工

話說最近我轉了一份新工作,是間小公司,辦公室不多於十五人,第一天上班,我對所有同事都恭恭敬敬,他們亦非常友善,還經常講笑和互串,包括老闆們。最記得六時正,其中一個老闆便對同事唱:「我勸你早點歸去~」我忍不住在座位暗笑,心想唱還唱,誰敢準時下班?然後過了十五分鐘,竟然所有同事拎手袋撤退,簡直殺我一個措手不及,我差點成為最後一個留守在公司的人。

其實做男人仲不幸

其實小盛女覺得(某啲)男人真係好強,就算遇到幾多錯敗,幾大壓力都好,同幾個好兄弟飲兩杯,或者做gym出身汗,或者再簡單啲,瞓醒一覺又係一條好漢,繼續為女神/女友/老婆/頭家努力賺錢,相反,(某啲)女人遇到錯敗可能要日日搵人呻,哭哭啼啼搞一大輪都仲係林黛玉上身,要你氹要你安慰,所以最後一個做男人不幸的原因可能是因為要照顧一個永遠覺得自己好不幸嘅女人。

其實轉工又有乜好怕喎

「你期望搵一份點樣嘅工?」「你未來五年有咩目標?」「你點解咁想喺呢行發展?」面試時經常都會被問到這些問題,其實網上有很多答案可以照抄,但我還是決定花點時間認真思考一下,度身訂造一套只屬於我的答案,同時藉此了解自己多一點。

「咁咪精靈囉,唔通好似我個女咁好咩,傻吓傻吓無嚟醒目,成舊飯咁。」媽媽說,其實我最討厭她在別人面前這樣形容我,可是她總愛這樣說。從小到大,每次有人稱讚我,媽媽都會把我踩落地底,然後再把其他師奶的孩子捧上天,每次我都很不開心,而且很不爽,心想為何媽媽不可以給我多點稱讚或鼓勵,我真是這麼差勁嗎?

其實做女人真係幾不幸

散場時你站起來,駭然看到椅上染了紅色,那種尷尬程度簡直是爆晒燈,不要以為用餐巾蓋住便可當無事發生,因為椅上染紅其實代表你的褲/裙已中招。所以如果你發現幾個女人無啦啦急急腳衝入廁所,你係唔需要問佢地係咪肚痛,只要保持沉默當無事發生已經幫了很大忙。

「唉,如果再搵唔到工,我都係做返老本行喇。」我對好友Crystal說。「唔好啊!你一定會後悔,你諗吓你當初點解要走?」Crystal反問我說。「我知,但係我已經一個月無嘢做喇。」我擔心地說。「一個月咋嘛,你啲奴性可唔可以唔好咁重?如果你六十歲退休,都仲有三十幾年你做,你驚做你唔死咩?」Crystal肯定地說。

其實中學時期我已開始學鼓,原因簡單又幼稚,就是因為少女仔學,個個都話女仔不夠力打,一定輸蝕比男仔,又話女仔人家學鋼琴先夠大方得體,我偏唔學,我要學鼓!唔學由自可,一學就上癮,阿sir仲介紹幾個女仔比我組成一隊全女band,參加過比賽亦在尖沙咀海旁表演過一次,當時我好緊張,表演期間有一首歌仲打到甩bit,然後有個男人大叫:「加油啊女鼓手!」我真係感動到眼淚在心裡流,到現在還記得很清楚,當時應該是我打鼓的全盛時期,現在回想起都覺得好青春好熱血。

媽啊,我不要選港姐啊!

「阿女,不如你去選港姐啦!」阿媽邊看TBB邊說。「媽啊,你個女有肚腩o架,點著三點式啊大佬?」我無奈地說。「車,到時就有人幫你減肥o架啦!仲有人教你化妝襯衫添啊!又可以見吓世面去吓旅行!」阿媽又說。「見吓世面?淫蟲就有得見,娛樂圈好黑暗o架阿媽。」我語重心長地說。「嘩,你睇吓,無個靚o架今年,阿女你上去,起碼贏一半啊!」連阿爸都加入戰團,他是我的上世情人,總對我有點偏心,我明白嘅。

「乜話?你話要同兩條女去日本旅行?」Brenda怒氣沖沖地問男友Mike。「我未應承佢地嘅,小學同學嚟,識咗十幾年o架喇,佢地都有男朋友。」Mike說。「有男朋友又點?有男朋友就唔可以搞人地個男朋友o架喇咩?呢啲咁嘅女仔分明係淫娃蕩婦啦!」Brenda說,相信她的大腦已由阿躁全權控制。

「你好啊,我地覺得你表現都唔錯,而家比個offer你,你睇吓O唔OK吖!」人事部經理對我說,想不到這麼快便有offer。「好啊,你講啦。」我說。「人工我地可以比到萬四,不過其中兩千蚊係performance_bonus,要睇你嘅表現和出勤率嚟決定比幾多,而第一個月亦只會出萬二。」人事部經理說。「吓?即係個個月我都唔同人工?」我問,然後心想乜事啊呢間嘢。

裸辭有甚麼大不了?

常常請半天假,誰猜不到你是去見工?要我擘大眼講大話,實在做不到,而且既然已經對公司無晒感情,仲留響度做乜?所以我會選擇乾脆地說一聲:「分手啦__!」即是裸辭,雖然很多朋友都勸我說:「唔好裸辭啊,騎牛搵馬啦。」「而家好難搵工o架,到時你就會後悔。」可是我還是決定一意孤行。

「你個朋友呢?」方丈無視了我的問題,並問。「佢上咗巴士喇。」我說。「你又知佢上咗巴士?即係你陪佢等埋車啦?然後佢返到屋企又會whatsapp你啦話今日好開心啦我已經返到屋企啦你唔使擔心啦下次再約食飯啦!」方丈怒吼。

「其實趕唔到啲deadline會點?比人炒?」Mike問。「我都唔知啊,我全部都通宵趕起晒,其實聽講公司唔會炒人,係我自己比壓力自己。」Brenda說。「眼前你只有兩個辦法,一係調節自己心態,一早同人講你可能做唔切,趕唔到就算,頂多比人話幾句;一係就裸辭再搵工,你諗諗。」

家庭主婦體驗日

女人是應該要自私點,不要常常為了男人而做東做西,做了他亦未必欣賞,那何必呢?但為自己而做卻不同,所得到的是自己的,做得好或不好也由自己來評價,多自在,於是最後我決定跟媽媽試做一日家庭主婦。

「喂,阿A今日無化妝啊!你睇吓佢幾殘!」、「嘩,阿B使咪著啲咁貼嘅裙啊,都唔知搏咩!」、「阿C係咪同經理有路?成日一齊食飯嘅!」每天就只有這些事事非非,比小學雞更要小學雞,而這裡的同事就只會是同事,不再像以前在廣告公司般,同事既像朋友,更是戰友。