我果陣仲係好細個，覺得「生日」係一件好重要嘅事，全家人都要隆重期待，前一晚要一齊倒數，搭正12點就同我講生日快樂，然後正日我係大晒，個個都聽晒我話，會一齊出街食大餐，返屋企再食生日蛋糕同收禮物，所以當呀媽唔記得咗我生日嘅時候我真係好嬲，發晒小姐脾氣。
唔係我老作，係扮工室真實對話，而且絕對唔止咁少，只係我懶得寫晒出嚟，可能你會話我點解唔叫醒呢班「裝睡」或「真睡」嘅人，但係我想講我真係唔敢再同佢哋講嘢
仲係讀緊書嘅時候，幾個女仔圍埋一齊總係會問埋啲無聊問題，其中一條一定係：「你估下我哋幾個邊個最快結婚？」而結果往往通常都係估錯晒，阿花第一次拍拖就搵到佢嘅Mr. Right，我哋幾個姊妹都好戥佢開心，直情好似自己嫁女做人外母咁款，心情勁興奮，話要快啲見女婿，要收天價開門利是，又話要玩殘呀新郎。
有時唔想做錯奶嘢，都會想問清楚佢想我點做，但係佢又嫌我煩，西我面，覺得我死蠢，講到咁都唔明，明明係佢自己講得唔清楚，佢嘅口頭禪係「好似上次咁」，我心諗，上次上次，你一日講咁多嘢，我點鬼知你講邊次上次，一係就話「我咪講過囉」，我諗佢係發夢講過，成日都話啲file放咗喺share drive，但根本喺佢自己個電腦嘅桌面，搵鬼到！
「你又搣指甲！我叫咗你唔好再搣㗎啦！十隻手指都比你搣損晒，你話你樣唔樣衰吖？唔好再搣啲皮喇下你！真係比你激死，叫你做你唔做，叫你唔好做你就偏去做，你而家係咪同我作對呀？係咪呀！你鐘意搣吖嘛，我幫你搣囉！搣死你！」
我都明有時痛得濟係會忍唔住叫出聲，但因為有時聽到隔離係男客人，我費事咁樣衰啦，死人都會忍住，頂多捉實床邊果舊木，最誇張係有一次我聽到隔離個女人係咁叫，我按90分鐘，佢叫咗30次以上，係咁「哎呀哎呀」同「呀呀」，真係好影響，大佬我嚟放鬆㗎，唔係嚟聽你叫
我同朋友講，佢哋話可能同事係唔想我咁辛苦要OT，我話唔係喎，佢哋係叫我返屋企做，唔代表唔使做，其實我都明嘅，新入職係唔應該做壞規矩，搞到有OT嘅風氣，但問題係呢個係假準時收工，返去仲有排做，其實我會寧願喺公司做多陣就算，同埋其實腦細係夜收㗎喎，都唔知係咪跣我嘅大佬。
無論係膠友app定係speed dating，大家都好興講兩句就約出嚟食飯，可能而家係乜都講求速度嘅年代，乜都要快，連識人拍拖結婚生仔都要快，你仲用緊Facebook就會比人話out，Instagram都已經比snap chat追過咗好耐，潮流不停咁變，但唔代表人人都要死追爛追，我知係有啲老土，但我仍然想留喺自己覺得舒服嘅time zone度。
「公司開咗FB，快啲用你私人ac like同share啦！」腦細Michael說。 「好，我一陣like。」我說，心諗又要我做最討厭嘅事。 「叫埋你啲朋友呀姨媽姑姐一齊留言啦，比五星星呀！」Michael說。 「好，我試下叫。」我說。
如果係男女朋友嘅關係，好似又真係男人比多嘅，但其實一人比一餐都OK啦，AA都得不過唔好連一個幾毫都計到盡，收齊頭就算，但如果大家只係朋友關係，又要個男人次次都比晒就好似有點兒那個，所以我已經諗住睇戲/食飯是但比返一樣，費事搞到好似飯托Karen咁。
「我哋而家都見緊好多candidate，所以有個基本要求，就係你2日內要send個email比我哋，講下你可以為公司貢獻啲咩，有咩可以impressed到我哋，有咩優點同工作經驗，說服我哋點解要揀你，咁我哋先會再考慮叫唔叫你second in。」Bitch說。 「明白，唔該你。」我微笑地說。
好人難做，特別係喺公事上，久唔久都會有同事叫我幫手，然後幫咗一次之後，嗰份工作就自自然然歸我，有鑊都係我揹，當我反抗，想叫同事「自己的事自己做」嘅時候，佢就會覺得我推卸責任，或者「少少事都托手踭」，甚至向腦細打小報告，我已經踩中過幾次地雷，所以喺公司真係做隻貓做隻狗都唔好做好人。
我係獨女，亦有一班都係獨生嘅朋友，我哋永遠都唔會感受到有親生兄弟姊妹係咩感覺，唔知係咪因為咁，由細到大我都好重視同「朋友」嘅關係，有時相處耐咗，有啲朋友仲會比到我好似親人一樣嘅感覺，唔係一般好朋友咁簡單。
