呀May可以話係我做咗幾年嘢入面見過最賤嘅同事，平日明明好得閒，去廁所都去半個鐘，周圍搵人吹水，但係腦細一行過/同事有嘢問佢就會大大聲話自己好忙，西聲西面叫你唔好嘈住佢，或者乜都話唔識唔知，但係佢就成日搵人幫手，拆紙箱啦（話手痛），搬嘢啦（話腰痛），搵嘢啦，有幾次佢都問我N年前某個event嘅相我file喺邊，我話下，我嗰陣未入職喎，佢話你平時搵開嘢可能見過呢，我梗係唔L理佢啦，但係每次最後腦細都會開聲叫我幫佢搵，Fine，鬼叫我無佢咁識擦鞋咩。
上網睇話公立醫院通常係清醒照（除非係小朋友），有機會作嘔，亦都易嗆到，好辛苦，而且唔知要排幾耐，好彩屋企人有幫我買保險，所以去咗私家醫院。私院環境當然好好多，服務都係，有個小插曲係姑娘幫我插咗針，有個大陸阿嬸著住便服，拎住個手機過嚟睇我，講嘢有少少唔正，佢話佢就係一陣幫我嘅麻醉科醫生，真係令我驚上加驚，好彩最後都好順利，抽咗啲組織去化驗同埋切咗啲瘜肉，不過埋單差唔多成兩萬，如果無買保險我真係會即時暈低。
直至佢最近自己一個同埋狗仔搬咗出嚟住，仲邀請咗我上佢屋企玩，我就對佢完全改觀。其實我一入屋已經聞到一浸臭味，唔係普通嘅狗味，係尿味，原來佢隻狗瀨咗尿，但係佢完全無諗住抹，因為佢喺床度打緊LOL爆緊粗鬧人。雖然大家都係女人，但係佢竟然淨係著件超低胸吊帶小背心同喱士底底嚟招呼我，老老實實我都有少少尷尬。
仲記得曖昧期嘅時候，阿Mike會帶我周圍去食好西，法國餐廳、日本居酒屋、地道大排檔，次次新款，拍咗拖之後佢就話食咩都無所謂，你諗啦你熟啲，一齊咁耐有幾多次係佢搵餐廳同我去試？一隻手數得晒。我唔係期望次次都係佢搵，但係十次有一次都唔會好過份掛？我唔係無投訴過，但佢話唔識點搵邊度有好嘢食，你係咪玩嘢呀大佬，你唔好同我講你唔知咩叫Openrice、飲食男女、Tripadvisor、問朋友/同事！
打工仔轉工係好閒嘅事，基本上個個人都轉過四、五份工以上，每次決定辭職我都諗得好清楚，而且堅決唔食回頭草，除非公司真係加好多好多好多錢畀我（暫時未試過），無計啦有時人總會為錢而低頭，講真，打工都係為錢啫，唔通同你談情咩。總括嚟講，其實辭職來來去去都係得以下幾個原因。
「你就好啦，有個阿哥。」我說。「一啲都唔好囉，佢成日都恰我㗎，點我夜晚落去買宵夜，又要我做晒啲家務，我就寧願好似你咁喇，無人同你爭，阿爸阿媽淨係錫晒你。」朋友阿花說。
最近公司請咗個女sales，基本上佢係一人之下，萬人之上，直屬腦細們，聽講佢好猛料，做過好多大公司，業積好好，即係好跑到數。外表細細粒粒，笑得幾甜，講嘢高八度，好嬌嗲，女腦細話男人最受呢套，迷迷下就好易落搭傾得成生意，女老屎忽話淨係佢同人打招呼同自我介紹都已經睇得出佢好老練。
好耐無去姊妹屋企，最深刻當然係以前失戀去佢度過夜，嗰陣真係喊到眼都腫埋，慘慘豬。幾年後，我再上去已經係講緊大家拍拖嘅幸福事。成日都畀人話我放閃，但其實幸福真係得來不易。仆街，係人都遇過，包括我。成日都聽到一句好老土嘅說話——「戲如人生」，但有時現實總比戲劇更誇張，我仲記得嗰日我去完Poly面試，就即刻打畀當時嘅男友X先生，諗住同佢講頭先面試嘅事，點知無人聽，唔緊要啦咁我打畀好姊妹講下先！
除咗有好嘢食，仲有靚景睇，今次去大阪就上咗梅天空中花園，個夜景真係靚到喊，仲有去咗大阪城。有啲地方係模擬返以前嘅日本，好似天保山嘅美食橫町同瀧見小路咁，好多影相位，京都嘅清水寺、八坂神社亦好靚。
自從上次病完之後，成日都覺得個人好攰，好似瞓極都唔夠咁，可能係之前公司peak_season踩得太盡，搞到身心疲累。其實有時都忍唔住問自己，咁辛苦為乜？晨咁早起身迫地鐵，返到公司就變機械人不停摩打手做嘢，去到lunch_time先有短短一個鐘可以抖下氣，有時仲要比腦細捉住無咗十五分鐘，工作永遠堆到成座山咁做極都做唔完，準時放工根本無乜可能，唔多加班已經算偷笑，最令人頂唔順嘅係腦細24小時都會whatsapp我，無錯科技係好，但亦都會累死人。
一個人安穩久了便不想改變，懶改變，甚至怕改變，你以為人愈大，就愈有能力、資本去追求夢想/理想？非也，正因為人大了，想法更成熟，要考慮的因素才會更多，更加不敢放手去搏。現在我已在公司做了幾年，和同事相處也不錯，大部分工作都已經上手，正常是可以一直做下去，但我實在接受不了公司兩年以上才調整人工和發花紅，而且連最基本的病假也沒有，所以最近已有轉工的念頭。
追女仔最興奮係咩？咪就係收到女神電話，話想同你去街街囉，搵工期間，一有未知嘅電話打嚟就會心如鹿撞，因為隨時都係人事部打嚟叫你見工，面試係一個好好嘅機會表現自己，可以話係「不成功，便成仁」，首先梗係要上網做功課啦，了解下女神鍾意啲咩，查佢家宅，即係公司背景，核心價值係咩，做過啲咩推廣活動，有咩競爭對手，最好整埋個短短哋嘅計劃書。
做agency被客恰，做客就被agency恰，也只能怪自己不爭氣，對人態度不夠強硬，轉數不夠快，被人串也不懂反抗，往往慢幾拍，連我自己都覺得自己很沒用，「人善被人欺」這個道理在職場上一向適用，所以根本不是做agency或做客的問題，而是自己的性格問題。
