單身之後，我終於可以自由咁同我嘅男性朋友單獨出街，以前唔係唔得，但最好唔好啦，另一半會唔鍾意，而且有好多嘢都唔做得，因為你知道做咗佢會唔開心，就會自我審查避咗。其實啲男性朋友識咗咁多年，一早已經將大家放入friend zone，安全都不得了，係濕水火柴，撻極都唔會著，但唔知點解無論男女都好，總之見你一男一女出去就認定你哋一定有嘢，我到而家都仲係大惑不解。
話說身邊都有唔少單身男/女性朋友，以前我成日都鼓勵佢哋去speed dating 試下，因為我覺得乜都唔做係唔會突然從天而降一個男人/女人俾你，不過通常我都俾佢哋串返轉頭話：「唓！你自己都無去過啦！」
話說回復單身之後我就打算追上熱潮，裝返個交友app 玩下，最初揀咗某個app，用風景相已經好多人add 我，我心諗點解大家咁得閒，明明係返工時間，後嚟我轉咗真人相，啲人double triple 咁上，無啦啦一個平凡人都勁多人狗衝，唔怪得咁多人玩啦，然後傾幾句你就會知
諗返起以前我連行山都要男朋友扶，少少石路山路就覺得自己會企唔穩，真係有啲誇張，雖然我平衡力不嬲差，不過後來分咗手跟朋友去露營，先發覺原來自己一個揹住啲裝備，唔使人扶其實都一樣行到，就算真係跌親，至多咪起返身，又唔會死嘅。
「在家靠父母，出外靠朋友」，好彩身邊有好多好朋友，所以分手之後我無自閉喺屋企發霉(雖然有時都會喺屋企打機睇片)，反而同朋友周圍去玩，自己亦報咗啲課程去進修，有好多新嘗試。話晒都唔係第一次失戀，今次有經驗，知道咩應該做咩唔應該做，以前會同朋去公園隊酒，日日以淚洗面，又成日話要搵返個ex，而家？唔搞呢啲嘢喇，仲細咩？
Mike 有一個宗旨，就係無論幾夜，幾遠都一定會送我返屋企，拍拖幾年嚟只係有一次無送，對女性朋友嚟講，呢個可以話係一個奇蹟，因為而家好少男人會堅持每次都送女友返屋企，大佬搭車唔使錢咩，如果住得遠，一來一回仲嘥好多時間，而且出完街通常都夜，攰到死，唔係仲要我送你掛？而對於男性朋友嚟講，呢條友簡直係做壞規矩，寵壞港女，令其他巴打難做。
我梗係唔識先比錢嚟學，識就唔使嚟搵你啦，每個人資質都唔同，可惜有啲人淨係鍾意教叻人，因為佢哋一學就識，然後就會覺得自己教得好好，真係去到邊都要畀人拎嚟比較，人比人，比死人，加上我又真係成日織錯，搞到好錯敗，佢又無教我錯咗可以點做，話我現階段都唔識睇，淨係話織晒呢舊冷先好返去上第三堂。
同阿Mike比，其實我真係好懶，懶到有時太夜太攰係會唔想沖涼洗頭，你知啦頭髮長要吹好耐先乾，吹唔乾就上床瞓會入風，第二日實頭痛，所以有時我會選擇第二日出街前先洗，我以為咁樣已經好過份，但原來有日傾開計先知我有幾個同事都係隔1-2日先洗頭，最勁嗰個係一星期先洗一次，淨係扎起啲頭髮就算，好得人驚。
人大咗，識嘅人都多咗，圈子擴闊咗，除咗小學、中學同大學同學，你仲會有一堆舊同事，或者係一堆朋友嘅朋友，一齊玩嘅時候會好開心，但講到傾心事，通常都係搵返「閨蜜」。話說我其中一個「閨蜜」叫阿花，有次成大班朋友出嚟食飯，其中一個朋友事前whatsapp問我知唔知阿花已經買咗機票，幾日後就會飛去澳洲working holiday，Holy！咁大件事佢竟然完全無同我講過，我乜都唔知，然後成餐飯我都一直等佢講，但結果都係無，走嗰陣我終於忍唔住問佢。
超超超超大伏係蟹鉗串($30/4粒)，男友阿Mike一睇到串嘢個樣已經話覺得好假，但係因為我見個KOL話呢個蟹鉗值得一戰，係真蟹肉食到有海水鮮味，所以堅持買，結果係一舊粉，衰過平時食嘅蟹柳，其實我有畀錢，點解可以畀舊粉我食，仲要成三十蚊。第二伏係芋圓鮮草凍($20)，啲芋圓死實實一啲都唔好食，鮮草凍好稀又唔夠凍。
話說小妹都量咗一排地（裸辭咗），開始有少少淆底，不斷支出但無收入其實係一件好得人驚嘅事，就算我哩埋喺屋企做宅女，唔買嘢唔食好西，都仲要睇中醫同物理治療，唔係都唔知幾時先可以搵返嘢做。我知長命功夫長命做，但係睇住男友呀Mike日日做到夜深我就大食懶咁喺屋企度hea真係好過意唔去，跟住咁啱就有人問我會唔會做全職作家/KOL。
填海好似落咗一個大水閘咁，海水會愈來愈混濁，植物、海洋生物如白海豚都會相繼死亡，可能人係自私，覺得白海豚絕種好過我無屋住啦，但我想講全球增溫已經好嚴重，極端氣候增加，天災頻密，天鴿同山竹嘅威力大家都唔係無感受過，大自然嘅惡果人類一定會受返，可能你而家係無事嘅，但係你嘅下一代又逃唔逃得過？加上人工島係喺海中心，我唔信打風會無事囉，好喇如果你話科技發達再起高啲囉，又唔知用多幾多億，咁又值唔值得？杜拜人工島已經係個例子，而家仲不斷沉降緊。
「快啲同我出去拎炒飯！唔係一陣畀人拎晒！」姑婆說。「唔使㗎，我哋畫紙仔，想食咩就叫咩啦。」我說，你知啦放題係行責任制㗎嘛，邊個拎邊個要食晒。「叫你幫下手都推嚟推去！無鬼用！淨係坐喺度等食！」姑婆說。
我有個好朋友叫Crystal，佢一向好善解人意，份人細心又識照顧人，入得廚房出得廳堂，唔會夜蒲係個乖乖女，我以前成日都講笑話邊個娶咗佢就發達，可惜自從佢拍咗拖之後就染上咗公主病，180度轉變，要個個就晒佢，小小事就發脾氣，搞到大家都敬而遠之。舉個簡單例子就係佢永遠都唔肯諗食咩，話就話無所謂，但係你話食燒肉佢就話熱氣，食齋又話太清淡，食中菜又嫌遠
