@小盛女
小盛女
小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

話說有次我等緊𨋢,佢喺格𨋢入面同個阿叔傾到嘻嘻哈哈咁,然後一出𨋢見到我,即時西面仲「摺」咗我一聲,再用好不屑嘅眼神望住我,what_the_hell?我做錯咗啲咩?唔止我,佢對所有女同事都係西面,阿姐都無面畀,所以大家都好憎佢。

「有無嘢要幫手?」我說,三點正,仲有三粒鐘就放工。「唔使喇,我忙到出煙,唔得閒理你,你自己做嘢啦。」阿姐說。三個鐘之後。。。「你幫手寫呢份新聞稿,好趕,聽朝九點要!」阿姐說。「哦,好。」我說。今晚又唔知幾點先收得工。

賣相唔錯,點知撈咗幾下之後見到條長長頭髮,咩胃口都無晒,叫個侍應過嚟,佢淨係話:「哦,幫你換過。」一句唔好意思或者sorry都無

其實腦細已經有個固定女友,而佢平日喺公司亦對每個同事(不論男女)都好nice,對女同事唔會話借啲二抽水,或者變變態態嗰啲,正正常常男人一個,應該唔會無啦啦月圓就變人狼掛?我知,你又會話「少年你太年輕了」,狼都識扮阿婆呃小紅帽啦,何況人?喂,咁真係要去做嘢,又有得say_no咩?

愛情並唔係靠試探嚟穩固

對以上嘅試探,男人表現得毫不緊張,最初可能你會安慰自己,覺得佢咁答你係因為對你完全信任,等大家有足夠嘅私人空間,唔會好大男人咁要管住你,唔畀你同男性友人出街。好可惜,現實中通常都係因為男人有小三,根本無時間同心力去理你,先會顯得咁無所謂,美其名為信任,其實係因為唔夠愛。

7:55am,鬧鐘響,我嚇醒咗,眼角仲有淚水,即刻衝去望下媽媽有無事,原來佢仲瞓緊覺,即刻安心晒,呢個係我咁大個女發過最恐怖嘅惡夢。平時嘅生活總係為咗工作而忙,唔計瞓覺嘅時間,見老闆同同事一定多過見屋企人。放工返到去已經得返半條人命,有時都攰到唔想講嘢,可能媽媽問多幾句都覺得煩。夜晚亦唔係成日返屋企食飯,有時加班太夜唔想佢哋等、有時去咗拍拖、有時約咗朋友食飯、有時去咗做facial或者massage,總係有好多原因。

你諗下,十年前同而家比,仲有幾多人會買報紙睇?免費報紙還好,會用錢買報紙睇真係少之又少,後生嗰班九成九都係上網睇。特刊更加唔使講,免費派畀我我都唔想睇,你公司歷史關我叉事咩,一啲都唔interesting,仲要通常每個董事都有一版畀佢發表偉論,其實呢份嘢純粹係比啲大粒自娛,對吸引後生仔女真係零作用。至於100毛,佢未必係最好,但你睇都未睇過就話唔work,根本都無去了解過,又有咩資格批評?

每次要同司機或者廚房佬夾嘢我都好頭痛,因為佢哋M到嘅次數仲密過我,M到即係點?脾氣暴躁、無理取鬧、睇咩都唔順眼,總之就生人勿近。你同佢講嘢佢係可以完全唔理你,當你透明,大佬咁你即係聽到定聽唔到呢?可唔可以有禮貌少少,尊重返我?「嗯」一聲都好吖。

其實中環有好多地方兩點已經開始有下午茶食,所以如果你公司係可以兩點先食lunch,咁你就有福喇,起碼多啲選擇又唔使同人迫,以下地方喺中環嚟講都算平,而且某啲餐廳個環境會比起上一篇介紹嘅好少少。

雖然話就話喺中環返工,但係你估個個都係iBanker秒秒鐘幾百萬上落咩,都有好多人其實只係小薯仔一個,食物鏈最低層,即係小妹我。雖則帶飯係最慳錢,但係久唔久都想同同事出去吹水講下八卦嘢,如果一星期出足五日真係分分鐘會食到窮。老老實實我就寧願平日同同事慳啲,慳埋啲錢放假去食好西喇,以下係小妹畀大家嘅平食推介(非廣告)。

大八年,啱啱好?

年長的男人則比較細心,你把外套拉鏈拉上,他會知道你覺得冷,把巴士的冷氣關掉;過馬路永遠會走外邊,笑說有危險也幫你擋;吃飯後會遞上紙巾;M到會幫你叫杯暖水,而不是問你要不要吃雪糕。他們知道做甚麼說甚麼會令你生氣、快樂或失望,然後想過有甚麼後果後便不會做那些不適當的事。

以前睇膠劇我係會背住個電視機,邊聽聲邊打文,可以一心二用,但睇《射鵰》唔得,因為係會睇到入晒神,一個鐘之後就會爆一句:「下!點解咁快做完?」

其實去台灣都係買鳳梨酥、太陽餅、牛奶糖、豬肉紙等等,如果大家有其他好介紹不妨一齊開心share吖!

做出氣袋都係人工包埋?

做錯事畀腦細鬧好正常,之但係總有好多情況係無做錯而畀人鬧,例如腦細自己間竭性失憶症發作,明明係佢叫你go_ahead個project,之後又怪你做咩擅自開始個project唔問佢意見先,明明個project無你份做佢又鬧你點解做得咁慢,當你話你無份做嘅時候佢就鬧你:「唔好咩都覺得唔關自己事!team_work!」實情就係你篤爆佢鬧錯你佢覺得好無面所以點都要搵啲嘢鬧下你。又或者其實係你上司錯,但係你都要捱義氣食死貓,斷估你都唔會理直氣壯咁話:「唔關我事㗎,係阿姐教錯我咋。」

長洲啲嘢食真係越來越貴

一年總會去一兩次長洲,其實去到都係周圍行,食下嘢,無乜特別,純粹係想遠離市區,當係畀自己抖吓氣。不過近年長洲越來越多人,嘢食亦都越來越貴,已經減低咗想去嘅意欲,有時都會轉去大澳或南丫島,不過今日一場嚟到,點都要食啲嘢嘅,而家就同大家開心share。

唔見嘢,每個人都試過,有啲人搵一陣搵唔到就算,有啲人搵成日都唔放棄,最慘係付出同結果唔成正比,有機會到最尾都係搵唔到,得個吉,白白浪費咗一日嘅時間。每次唔見嘢都會好煩躁,心諗明明幾日前先見過,點解一搵就無?好似畀人大整蠱咁,於是就會懷疑係咪身邊嘅人拎咗或者亂咁放,但以我多年唔見嘢嘅經驗嚟講,通常都係自己收好咗又唔記得。