Johnny 本身有玩球會，同班兄弟打下籃球，Mazy 都要阻止，怕班兄弟帶壞佢喎。Johnny 依然冇反抗，只係偷偷哋去打波。佢班兄弟頂唔順佢，去打下波好似做錯事咁，特登post咗一張打波相上Facebook，再tag 埋Johnny，Mazy先同Johnny 嘈分手。之後？佢班兄弟即刻拉佢去慶祝，再介紹埋畀阿琪識。
其實，倒數有咩意義？成班人去海旁鳩等兩、三個鐘，嗌下三二一，再散band，真係咁開心？前一晚咁夜瞓，第二日一定好晏起身。新一年嘅第一日，瞓到黃朝百晏，又係咪好嘅開始？我思考住，直到去到目的地——香港大學。
阿廷畢業嗰日，阿詩買咗一個畢業公仔畀佢，係《鋼之鍊金術師》入面嘅艾爾凡斯．艾力克——阿廷最鍾意嘅卡通人物。阿詩記得，阿廷話過艾爾凡斯份人善良得嚟又戇鳩鳩咁，好得人鍾意。於是佢千方百計咁買咗隻正版公仔，加埋畢業袍，繡埋阿廷個名送畀佢。
你地有冇女性朋友係「奇女」？即係條件唔錯，但一直冇仔溝，十分出奇嘅女性。我身邊有一位奇女，佢去完我嘅party，我開始明白奇女冇拖拍嘅原因。一年前，我打街波識咗Ada。Ada今年二十五歲，任職ACO。佢嘅外表清秀，身材豐滿，可以話係中上。同時，佢嘅性格爽朗，好傾得計。就咁睇，Ada一定有拖拍啦？我勢估唔到，佢單身咗十一年啦。
「咪係囉，我stalk人，都係想知道佢係一個咩人，了解佢多啲喞。佢得啲咁嘅相，我一來唔知佢有咩興趣、個性，二來睇得多呢啲怨言，我都覺得煩啦。」
「有嘅，打咗十幾年，雖然大學冇入校隊，但中學攞好多獎㗎。我有入球會，打過下乙組囉。同埋有做球證，有睇開女排賽。」Ada大概都講到啲嘢，我喺「排球」拉咗四條線出嚟，寫上「中學」、「乙組」、「球證」、「女排賽」。
原來，阿偉二十三年嚟都冇拍過拖，佢之前鍾意咗公司個實習生，但追求失敗。佢覺得「呢條港女」睇唔起佢，所以想搵我介紹啲「唔係港女嘅女」畀佢，早日出pool，威畀「呢條港女」睇。
