我唔知係唔係因為自己曾經俾人NTR過，如陽光伴我一樣陰影揮之不去，所以對呢種情節咁敏感；但去到今時今日回頭望，我大概感謝當年為我提供呢種經歷嘅嗰一個人。唔係正能樣，更唔係抖M（謎之聲：你唔係抖M，說服力喺邊？），只係佢教識咗我：道德枷鎖、是非對錯都唔係唔俾自己去愛一件事、一個人嘅理由，如果我真係咁愛，我自然會願意捨棄一切、犧牲一切咁樣去得到佢。
呢一代人嘅救贖，除咗反抗只有離開。我相信呢個諗法都會係主權持有人嘅意願：當然我相信，反抗都唔係option嚟。至於順服，嗯，隻眼開隻眼閉，唔好無謂咁樣延長戰線，我相信主權持有人都會係咁樣諗。而呢個隻眼開隻眼閉嘅做法，加上尚能維生呢個事實，姑勿論走到唔走到、絕望唔絕望，都無一個足夠嘅誘因，要人放棄現時嘅安穩，投入鬥爭。
記得中四嗰年投訴過唯一一次巴士司機，佢連站都未埋就開門落客，我就梗係唔知啦，未埋站吖嘛。跟住好啦，落唔到車喎，喺紅燈嗰時落咗樓下，鼓起咗莫大嘅勇氣同個司機講，「其實我要喺上個站落車。」「咁你又唔落？」司機大佬問返我轉頭。「你都無埋站，點落？」跟住嘈咗兩句，終於我喺下個站先落到車。
家長無咁得閒理啲小朋友時，小朋友會得到空間去發展自己嘅興趣，做自己中意嘅事情，無論係睇書定係玩，都會有啲得著，會覓尋到自己嘅前途，會有機會思考未來嘅出路。覺得自己讀唔成書嘅，可能會玩得出一門手藝：烹飪、木工、女紅，咩都好啦，比起資源錯配，焗人讀書，好似更有效率。到其時，邊使cut大學學位啫。依家七萬人爭萬七個學位就話太多啫；變成十五萬人爭兩萬個學位，聽落都唔過份吖♡
世界變，變成咗一個平民嘅世界。世界需要嘅嘢唔再一樣，人嘅前途選擇亦都多咗好多好多。舊日嘅世界可以子承父業，可以拜師學藝，一早揀定一條路，喺嗰條路上面努力，學習嗰條路需要嘅「知識」。例如你係一個貴族，你就會學識到貴族嘅責任、義務，平日需要注意嘅儀態。喺你身邊嘅人基本上都係會令你行得上嗰條路的。繼續貴族嘅例如啦，你會知道點樣用一個僕人，知道有好多嘢唔使自己做。成個長大嘅環境都係為咗你可以成為一個貴族而設計的。就算係返學都好，多數嘅同學都有類似，或至少咁上下嘅出身。由生至死都只需要活喺自己嘅世界入面，同自己嘅階級生活。
女女嘅吻無論幾粗暴，多多少少散發出一種魅惑嘅氣息，好似熟透嘅水果散發甜美香氣咁樣，耳邊係咁迴響住「嚟食我吖」咁樣嘅說話；但仔仔嘅吻無論幾溫柔，都有一種「我要食咗你」嘅感覺，就好似一隻獅子喺你面前，想要食你呢隻小白兔咁樣。
如果有人同我講，佢到廿六七八九歲臨近三字頭都仲係無「經驗」，我會首先問佢有無拍過拖。無嘅，我會話呢種叫「情有可原」，我會致以深切慰問，與及無限同情；但如果有，我就會覺得呢個人唔多健全、唔係咁健康咁樣囉。
在繁盛活躍，紛繁盛大的場面裏，是宴會也好、派對也好、廟會也好，玩得忘我，失去理智，也不足以致使其後的空虛失落顯得出乎意料。其失落之所以始料不及，怕且是不思之妄之故：若然日常生活空空如也、了無生趣，縱然失落，也非意外，委實不應用「卻」；倘若每天都過得充實，熱鬧的場面只是一個波頭，一浪過去還有一浪接上，又難稱得失落，未至於空虛。
校規話不得賭博吖，我哋呢度打牌啫，都無涉及任何利益嘅交換，連一毫子牌租都無收，完全乾手淨腳，賭條鐵咩？至於尊重，我都好平心靜氣吖，無半點激動，無半句粗言穢語，不過係我熟校規過老師你，唔通咁都係唔尊重咩？
淫視也好、淫思也好，再怎麼說都是別人單方面的舉措，管他的。村民覺得過份，看不過眼，便自會發自內心鄙視那人。一切都很自由。當然，自由不是擋箭牌。所以，你有權批評我的同時，我也有權批評你，十分公道。而批評過後，誰得益、誰蝕底，一目瞭然。
尼日利亞騙局以白癡而聞名於世，幾乎是無成本地發出大量電郵釣魚，欺騙最白癡的人上當受騙；而這次公投，亦是幾乎毫無成本地騙取或獲得市民的授權，上當的人多是所謂的民主盲毛。為何砂糖這個月來，一直都說「學聯不代表我」？我承認我卑鄙無恥賤格彈弓手，我不信任這些組織不想被它出賣，不想因為授權了它代表我去談判，得出來的結果未如理想但無得反口。
「君子動口不動手。」村民的想法素來如此，所以他們甘願坐低，當小受、任人扑。他們的初衷是不去動手自瀆，只願凝結在一個膠著的狀態，不願把該出的出，只求圍爐取暖，比拼長度與硬度，還有持久度。
