@太樂觀是一種病
太樂觀是一種病
太樂觀是一種病

人地話要三十前結婚,就三十前結婚,理得同你結婚果個其實係咪真係咁夾咁鍾意;人地話要生仔,就生仔,又冇理到自己係咪真係咁鍾意細路。本來咁樣嘅人生,真係好歡樂。乜都唔使諗,乜都人話咩就去做,唔使用腦㗎,可惜長期乜都唔用腦其實無瀨嘢只係因為好彩。

你話比較吓個人喜好,自己鍾意邊個人邊首詞多啲,係有得討論吓,如果你問我,我係鍾意林夕嘅詞多啲,由初出茅廬曾經主打非情歌以至Twins少女青澀嘅《女校男生》,去到《明年今日》絕處逢生失戀歌,到後期《一絲不掛》充滿禪意又帶有希望嘅詞,基本上我全部都鍾意,全部我都覺得好正,但唔等於Wyman嘅就差,我反而覺得Wyman作品流行度係高啲啲。就好似當年《最佳損友》唱到街知巷聞,「朋友,我當無一世朋友⋯⋯」查實又算唔算另一種預言呢?