《今晚睇李》由始至終都是宣傳機器，擺明車馬劏鱔，老實講，完全無談論價值。反而昨晚那集加了個新環節，叫做「咁又點啫？」，我覺得又真係幾好笑，唔係講嗰個環節做得好笑，而係李思捷好像代表TVB，向觀眾作出嘲笑（仲要吐舌嗰隻）：「一台獨大，必然架啦！…」「咁又點啫？」你做得乜野？你奈得佢咩何？！
我知道肥媽和陸浩明已經上契，是名符其實的「母子」；亦知道這個節目是採用這種odd_couple型式：一唱一和、一個願打一個願捱，只不過今次是惡母痴兒，雖然做阿媽的成日罵個仔，但其實最後大家都好好感情，成個節目溫馨到不得了。唔好意思，我一 d 都唔覺得窩心，只覺得噁心！
在強弱懸殊的情況底下，挑戰一台獨大，成功機會何其渺茫，接受現實低頭甘受捆綁的人我會理解，不肯放棄而且用心支持我更是欣賞。因此，我們並不孤獨。期間更有不下一位市民加入討論，甚至與我們共呼口號；本是兩個世界不相識的陌生人，就因為相信同一理念，彼此世界就此拉近。因為正義，我們站在同一陣線。
當知道《愛˙回家》完結後，立即以《愛˙回家 2》重新出發；《食平D》發展到《食平3D》；《明星愛廚房》悶極收場，然後以《吾淑吾食》接棒，跟著接力的，會否又是《女王的盛宴》或令人聞雞汁喪膽的《May姐有請》？雖則節目名變了，主持也一樣，但其實都是飲飲食食，呆坐吹水，自己嘿哈大笑，電視機旁的觀眾卻只能目瞪口呆，默默忍受。
