@白恩樑
白恩樑
好讀書,不求甚解,每有會意,便欣然忘食。(陶潛《五柳先生傳》) 為天地立心、為生民立命、為往聖繼絕學、為萬世開太平。(張載) 子曰:「飯疏食,飲水,曲肱而枕之,樂亦在其中矣。不義而富且貴,於我如浮雲。」(論語.述而) 創業要準備一桶血,而最大的創業就是打天下。(王強,《亞洲週刊》訪問2009)

愉景灣横山徑無咩人行(一個山客都遇唔到),可能唔出名又唔係上山頂KILL BILL,夠野外、難度低、唔係鋪晒石屎但又好好行,真行山徑,唔係咁多,要感謝管理員維護得呢條山徑好好。

為咗生意,變黃、扮黃,OK架,形象同服務係產品嘅一部份。神像、連儂牆都係「裝修」啫,以前去畫舫食,俾多啲錢都係食裝修啲黃金大龍鳳。女人買化妝品,一大舊錢係買廣告令自己感覺良好,撻落塊面嘅除咗化學物質仲有好多MARKETING。最緊要客戶開心,入嚟買嘢,啲貨去到,員工有錢開飯,交到租唔使執笠,呢啲每日放喺頭頂嘅刀斧,做老闆賺錢一直都唔容易。

九龍有無得「環島」?原來九龍半島填海之前唔係咁大,而且有一大段係「新九龍」,上網查考「九龍填海」加「九龍半島、北京條約」,睇番歷史地圖,比對今日嘅街道走向、山勢地貌,就規劃好一條以前無跑過嘅路線︰「九龍半島1860」。其實出發之前嘅準備,只算係大膽假設,好多嘢係要行到去嗰度,印證對比,親身睇到啲無為意到嘅街名、公園、山勢、地貌,行萬里路,其實就真係始於足下。

壹傳媒(0282。HK)股票嘅收市價︰2019年5月27日見過低位0.163,之後社運大爆發,6月17日升到高位0.380,升幅一倍有多。之後上上落落,今年3月17日收市跌穿兩毫子,今晚4月16日就收0.154。(股價圖表麻煩讀者自己搵。)

中共宣傳機器成日話要幫世界,WHO又話封城好計好妙,但睇到侵侵同波莊都唔信佢地,佢地有直覺,一定唔可以跟中共嘅劇本玩。諗下都知︰歐美手頭物資情況︰庫存上個月俾大陸買走晒,搏佢封住唔會出到嚟,錢收咗好多但就無物資喺手。全民口罩、有病都入醫院消耗儀器物資,呢個無底深潭,非不為也、實不能也。佢地都後悔緊點解將呢啲戰略物資生產轉晒去中國,玩封城、玩口罩的話,歐美一時之間真係要搞到仰人鼻息?焗住去「感謝中共」?以侵侵為首嘅鬼佬,唔會唔諗其他可行之路。

港大劇社的青澀演出

三套劇入面有兩套講社會議題,對正義、制度、謊言有好多質疑、不無譏諷之態。成個演出係GOOD SHOW,GOOD ENOUGH,完場同學仔喜氣洋洋。台上台下,演出前後,都好香港人。正如貴SOC大仙問(好似係,老人家唔記得一字一句),點解劇本咁「認命」、「妥協」。其實我就有個小小體會,港大嘛,有做吏嘅傳統,入得港大唔揀暴大就一定有啲物以類聚,嗱,我自己感覺唔科學無調查架,唔好有人自己對號入坐咁膠就好。

侵侵係好簡潔咁講咗佢點樣做DEAL,佢點樣去搵機會,點樣去COLD CALL搵機會。嗱,你話佢有錢人出身,要自己做嘅咩?我睇呢本書,加埋電視《TRUMP,THE AMERICAN DREAM》就覺得,佢老竇只係一個中上嘅企業家,在窮區起樓收租,在美國係真中產以上,但係同「富豪家族」仲差好遠。侵侵佢係慳番搵第一桶金嘅汗水、仲有一個地產帝國需要嘅基本班底,但係第二桶金到之後嘅金錢帝國,可以話係佢自己搵番嚟、賺番嚟。

作者談到聯合王國、移民、解放奴隸、貿易、維多利亞女王、運動娛樂、女人(特別是讀飽書然後獨自出去旅遊的女士)、衰落和帝國解體之後留給世界的「遺產」。很多見微之著的事,很直白的論述,很有趣的反思。是鋼鐵與蒸氣、戰爭與經濟以外,人文的多角度,非常有意義的多種角度。解釋了很多來龍去脈,為今日英國人寫了部論述簡明的「我是誰」、「我從哪裡來」這二個大哉問的巨著。

中國煙草係官僚經營,專賣零競爭,佢地賣電子煙出口兩百萬人仔都無,你估佢地有幾多競爭力?有報導話大陸生產好多電子煙,外國嘢都係中國製造。呢個講法我搵唔到支持,寧願估佢最多做到OEM,因為電子煙咁好搵嘅嘢國家隊唔可能咁弱得兩百萬出口都無,真係留番俾民企發達咩?

班「學者」人人講五帝,話係《尚書》講嘅,《尚書》係古代公文匯編,夠權威喇,《尚書》話五帝就五帝。太史公就踢第一腳︰喂,《尚書》嘅文獻係由堯開始喎!唔夾喎!百家講嘅黃帝,又「其文不雅馴」喎,又係好多唔夾嘅說法喎。佢去問薦紳先生(先生即係老師喇)都話「難言之」,大老師都木宰羊喎!孔子嘅傳記話宰予問過〈五帝德〉同〈帝系姓〉兩篇古文,「儒者或不傳」即係話唔好亂咁傳講,即係孔子都唔敢話一定啱,唔好亂嚟。

好明顯,貿易戰開打之後,強國政府收嘅關稅係十級跳,由3.X Billion 美金,升到32.26 B。美帝呢,就由3.X B升到5.55 B,增長得六成左右。侵侵呢個Tariff man係二流架,大大先至係冧巴溫Tariff man呀!

一個人係管治唔到天下嘅,所謂獨裁都靠無數下屬去執行。《五帝本紀》就記載咗,由黃帝好簡單嘅七人「中央政府」,到帝舜時代二十二人有埋分工,可以見到東亞大陸嘅政治在這段漫長歲月嘅演化。

近代史的墮落

見到志士仁人在變革時代的選擇,自私也好、公利也好。保皇也好、革命也好。他們面對舊遊戲規則崩解,他們有機會重訂規則。保皇黨和大清錯過了君主立憲,北洋和各地軍閥錯過了聯省自治和分權憲政。他們也好運,舊制度的寬容尚在,失敗者就近可以走入租界安身,遠走可以日本歐美。他們在世的時間夠早,大多見不到黨國內鬥的腥風血雨。

作者指出,其他民族雖然有勇猛的軍人、善謀的將領,但波斯人、中國人、阿拉伯人、非洲人、美洲土著等,從未組織起一支具備公民權利的軍隊出征,也從未有一個選舉產生的公民大會來調整政策。(其實春秋戰國尚有廟算,秦之後就極少了。)這些臣僕軍隊,由皇族、市人、奴隸組成,數量可以極為龐大,他們為皇帝、蘇丹、酋長、神明而戰,對「領導人」畏威懷德,驅使他們上戰場是恐懼(皇權能殺頭)。這些軍隊戰意成疑,接戰不利,「領導人」多數走先,然後百十倍於敵的大軍土崩瓦解。

【產經輔仁】AV 時代將臨

好有錢嘅家庭會先引入私家自動車,老人家要出門,太太要去行街,細路要去返學,工人要去買餸,佢地會炒咗個多咀、八卦同花錢嘅司機,自動車隨傳隨到,唔會走咗去唔知邊度,安全、可靠,更加唔需要管理。見識過大戶人家就知,佢地嘅所謂「下人」,係好好福利架,鉅富如李超人,會送層幾百萬嘅樓俾退休嘅家傭。有錢佬寧願俾多兩個錢,好過有內鬼爆陰私,甚至有挺而走險嘅去標老闆參就得不償失。總之管少個人,善莫大焉。我估計,自動車落地之日,就係嗰啲私家車司機失業嘅時候。

正文從鴉片戰爭說起,認為鴉片戰爭對大清/中國的影響有限。清朝的政治沒甚麼改變,清朝的理解是「從南方來的野蠻人想要中國物產,並發射大砲、蠻不講理地要求開放門戶」。相反,鴉片戰爭卻對日本影響極大︰日本要重新思考其應對西方的對策,並激發了明治維新。作者認為,中國的近代史的開端在日清戰爭(甲午戰爭),割地、賠款予日本,三國干涉令各國在清朝劃定勢力範圍,這才落實了中國「半殖民地化、屈辱現代化的開端」。

頁 1 / 41234