佢用嘅兩蚊價錢，換來頭等都無咁闊嘅座位，真係架，頭等啲位，個扶手阻頭阻勢，老友記奉獻青春建設香港，你唔係要佢個背囊擺埋落地下呀嘛？人哋已經好considerate好紆尊降貴，唔怕污糟擺左環保袋落地架喇，你份人有無良心呀竟然咁樣欺負長者？
睇到呢啲POST，再碌下COMMENT，雖然網友們都發揮創意極盡挖苦之能事，但就算撇除「搵隔離屋幫你中出」、「帽事嘅」、「讓老夫出手」呢啲選項之外，都其實真係有可能嘅。
林鄭上場之後，口講大和解，表面聽習近平話而且走鄧小平嗰套，不爭論，拼經濟，本質就係唔好講咁多，只可諗賺錢，所有政工作，包括針對反對派的政治逼害、統戰工作，與友好的聯繫工作，與份屬建制派但敵對派系的政治逼害、統戰、籠絡，之類，全部檯底做，務求輿論上迴避反對派追擊。
搞暴動，害死咁多人，最後受勳，頤養天年到89歲先死，福祿壽三全。點解人哋可以咁？因為當日人哋係反英抗暴，而家回歸左喇，梗係要恢復佢名譽，同志咁多年嘅委屈，黨而家還，遲左喇唔好意思。
公民黨一向呢就律師輩出，但呢幾年總係令我困惑嘅係，點解社運民運中人，成日都要籌律師費？乜公民黨咁多律師咁多正義偉論，乜原來佢哋唔會減價，幫啲被政治檢控嘅人打官司架？大家都係為香港好喔，點解自己嘅專業搵咁多錢都仲要喺乞衣兜討飯食？
喺呢場運動嘅高峰，最多人肯關心肯落場嘅時候，反對派嘅判斷就係，嗰啲咁艱澀嘅技術／軍事／法律知識都係無辦法用來升級呢場動員，無辦法增加反對嘅成功率，咁，係呢個後雨傘時代，年輕人醒過龍然後訓番考警察嘅年代，為何而家反對派又覺得一地兩檢、高鐵運兵、日日蝕錢呢啲嘢係可以叫番佢哋出來架呢？
茶餐廳係香港獨有嘅飲食文化，好多野係估佢唔到嘅。佢哋可以將意粉當麵咁炒，可以將通粉煮到妹兩下就爛，可以將咖啡溝奶茶而發明左鴛鴦。其中最令人懊惱嘅，我相信就係如何叫一杯「凍齋啡」。
當年我讀大學嗰陣（十六年前好似係），有個唔知咩會來HKU，話呼籲人哋驗血捐骨髓，我嗰陣未試過俾人吉（吉靜脈呀），一吉我就暈左，負責幫我抽血嘅護士話係血管敏感，掂下個血管壁就會血管收縮，血唔上頭就暈，暈低就會有血上頭就會醒。
