我經常見一D大媽當D抹手紙是有錢派咁一囉囉4 – 5張。癡架？手都是得一對口者，使唔使chur咁盡呀。果D抹手紙唔是紙黎既。在洗手間，掏出手帕，輕輕抹手－其實都幾elegant呀。
誠意、盡力、認真、自爆、道歉、檢討、做好。我很久很久沒有見過一個這樣人性化的香港。錯了，講對唔住，大家都懂得體諒和寬恕；多麼不容易的一句「對唔住」，多麼久違的「體諒」。人與人之間真誠到好似起小學果陣，因為唔小心膊頭撞親旁邊的小朋友，搞到成地食物都是然後好真誠咁講「對唔住」。但是上述果D，不正正是小學德育課教的美德咩？
談到「聽過就能彈」的這件事，事實上也是可能的（本人也可以），只要具絕對音感和一定音樂表達力便可。但彈古典樂也能如此這般卻是相當艱難，因為古典樂的複雜性和技巧要求比流行樂差太遠了。而電影中大家常聽到的莫扎特K310更是演奏級LTCL（即演奏級第二級）的作品，單是第一樂章，一般人練習最少也要7－8個月。如果10日就能靠聽彈上整首，只能說是天才中的天才。
舊制考試心態比較正常（唔知是咪關跟英國事），以會考昨為第一度防線，把「比較」唔鐘意讀書／讀唔成書的蘿底橙踢走，把「比較」讀得成書的一班Group埋再爭崩頭升大學。但轉做新制（跟隨強國制度之後遺）後，理得你「蘿」唔「蘿」底橙你都要硬食到中六擺下姿態爭入U。中六的程度相比起舊制，大約就是超越會考但又未去到高考咁變態的階段：好了，問題是其實我一直懷疑，究竟一個人生存所須用的知識，是咪真是要去到DSE Level甚至會考？
別以為「信二代」是一理很好湊的小乖乖，其實他們也算是往往令牧者最頭痛的一群。但是，從「信二代」的當中，我們也應該好好思量，教會牧養的導向是否正確？所謂的「教導小孩使其不偏離主道」，是咪淨是個個星期日返教會就是咁簡單？
教會「擴堂」這回事不嬲都十分有市場，當中無所不用其極之法又或者隨之而來的醜聞，大家應已有所聞。今天我想帶大家回歸一個根本的問題：究竟點解教會咁喜歡擴堂？在「喜歡擴堂」的根基下，教會的立足點和方向出現了什麼問題？
睇秦朝、除左睇「尋秦記」之外，今日我地黎對比一下秦朝與狼英統治。先考考歷史知識，秦之前是咩代？答案是無一個「代」、而是春秋戰國。春秋戰國是亂世，前後500幾年，當中無一人能統一天下。大家諗諗，香港俾英國統治左100幾年，大家都唔想俾番中國統治喇，何況500幾年根深蒂固的文化呢。於是去到秦朝時，當秦始皇統一六國後，望住有500幾年既悠久文化同歷史包袱的不同地區，佢做左D乜？回看看秦朝、再看狼英統治，竟然是有異曲同工之「妙」…
由於小妹住的Hall是男女同層的（大家不要想歪！），曾經有試過幾個男仔「被」組成為一個小隊，當時大家已一早預算好當日的「樓湯」「唔科有好野飲」。結果幾位男孩決定煲罐頭湯，諗住「實無死啦」！！但結果居然是連罐頭湯都煲燶了，大家喝了好一大煲燶左的罐頭湯，彼此為此恥笑了很久很久…
在小妹大學本科的年代，所謂的「撻皮凳」其實不外乎是一大排單坐位梳化，坐落在一樓主圖書館的最後方（請知情者不要開始猜想小妹的修讀時期…）。但是絕不要睇少呢一排撻皮凳，它們實在為我的大學生活留下了不可劃缺的痕跡。上天地堂時，有多少時候是真是做乖乖學生中間時段走去溫書呀。而又不知怎地，主要往campus上課的我當時又選擇了與campus離天搭杖遠的沙宣三寶「居住」，實在無理由上完十一點半又返去訓再出黎上三點半堂（如果回去訓的話，結果必然是走堂…）。住Campus Hall的同學仔還有權利踢拖落黎上堂上完返hall訓，我？算＿數喇～
當你決定要開始上莊果刻，由傾莊、了解、傾sec位、傾yearplan、整booklet、宣傳、mockcam、campaign、polling，時間都會過得好快，而你亦都會覺得自己越黎越型，因為你由一舊咩都唔了解既蕃薯，到到你同莊mate好齊咁舉手、識哂Dorder，答到上莊既問題。起大學，你見到好多莊既超大海報，著住果套其實呢世都未必再著既suit擺出自信專業的笑容，而你亦都將會成為佢地既一份子，真是型到一個點－雖然呢個點是要用好多個不眠夜或者付出無限心力先完成到。其實果套莊suit加埋果對豆拎高踭鞋，除左上莊campaign果陣著過之外，我出黎工作咁耐真是一次都未著過－無他，當你唔是做businessfield，邊有可能著住套suit週圍走呀？你估是男仔D西裝咁百搭咩。
今時今日在職場之中，8、90後一輩如有學士以上學歷，十個有六、七個總有一個碩士、甚至超過一個碩士－要升職加人工、碩士完全是基本需要（但有又唔代表一定是升你喎）。記得七十年代時，中五學歷已經是不錯，入到大學更是天之驕子人中之龍；到而家，真是行街一個招牌擲落黎都有三五七個學士，睇下中唔中三大咁解。好出奇咩？而家D細路幼稚園就學游水非洲鼓唱歌朗誦中英數喇，大人有大人比、細路有細路比啫。隨著學歷貶值，到佢地大個唔知是咪要十個就要有兩、三個是PhD至得呢？
下午的教學很特別，我從沒有見過一對學生的手是如此的縐－因為這雙手的主人是80多歲的金婆婆。因為一個音樂基金申請成功再加上本人要實習的關係，金婆婆成為了我的鋼琴學生。金婆婆性格樂觀，積極好動，音樂感更是不俗，縱然學得慢但十分享受過程。
由2004年沙士後，青少年自殺身亡人數維持在每年20至30之間。有機構整理了由2015年8月開始的學生自殺情況，截至16年1月20日再添一名中大女生亡魂，已有16位學生自殺，半年已超過了30的一半，即15人的臨界線。
