我一坐低，menu都唔使check就叫左句：「服務員，來一客椒鹽九肚魚。」大家有無留意，椒鹽九肚魚一般黎講呢，都會好似好九唔搭八咁跟碟醋。Admin有個極度簡化嘅觀念，就係跟得醋嘅野呢，我都會試下夾意大利紅酒睇下得唔得嘅。今次我就帶左支Caiarossa嘅Pergolaia2006去會一會佢。
得罪講句，假若天氣再熱多少少，例如話上到三十三度左右丫，Admin係屋企呢，基本上係唔着衫嘅。除左唔着衫之外，降溫基本上都係得個幾個options嘅啫：飲檳、飲白、飲Rose。今日想講下白酒中嘅一大板塊：whiteBurgundy。
話說識飲admin去左荼毒青少年導人飲酒。小朋友入世未深，又經唔起挑釁，一個個拎住自家水杯排排坐等斟酒，場面實在令人鼓舞。席間有一好奇廢青問曰：「其實呢，啲酒點分靚唔靚？」呢個問題問得非常之好，我亦都好樂意解答呢個問題。
有個friend就話：「咦喂，香檳？士多啤梨？呢個配搭好淫賤喎！」然後佢頭也不回就去chill左支香檳，洗好士多啤梨，跟住見有啲時間就沖個靚涼，梳個靚頭，着起件浴袍，含住支雪茄就周圍同身邊啲囡囡講「How you doin’?」
呢支ChocolateBlock就好似一位亞洲古國嘅女性一樣，剛毅同溫柔，兼而有之。有啲刺激，又有啲神秘。佢或者唔係你隔日就飲嘅housewine，但絕對係一次衝擊你平淡日子嘅新奇偶遇。係飲完最後一滴酒之後，我覺得自己係孤獨嘅，然後我頭也不回又去尋找下一個偶遇。
82年Lafite固然係一支好酒，但係絕對唔代表世界上無其他好酒，更加唔係驗證好酒嘅唯一標準。可能好多人都聽過，ChLafite係屬於「五大酒莊」之一。所謂「五大酒莊」，係指ChLafite、ChLatour、ChMargaux、ChMouton以及ChHautBrion五支酒。所以最最最基本咁諗，起碼都要知道ChLafite有其他同輩兄弟掛。
好多人夾食物或者煮某啲地方菜式時，會用返當地出嘅酒。煮家男人示範中亦正正用左一支Tuscany區嘅Chianti。呢個做法其實極大機會係正確嘅。好簡單，係悠長歲月嘅演進同埋淘汰之下，既然個種食物，同個種酒，係可以係同一個地方，一齊survive到今時今日，喂，就算唔係天作之合呀，都唔會撞到你要掉低筷子掛！
芝士同紅酒易夾可能好多人都知，但其實好多芝士同白酒或者香檳一樣易夾，甚至好多時係夾得比紅酒更加好。就講芝士火鍋，傳統上多數會用到嘅芝士例如Gruyère或者Emmental，同白酒嘅配合度非常高（當然啦，而我不知道乜乜屋用啲咩芝士嘅……），加上傳統上煮芝士火鍋其實係會加白葡萄酒（一樣啦，而我不知道乜乜屋係點煮嘅……），所以一般我都會揀白酒黎襯芝士火鍋。
為左令tasting更fruitful，好多時候係有一啲主題嘅。今次我去嘅tasting，主題係意大利Chianti名莊CastellodiAma。都唔夠，仲要再fruitful啲，好多時候仲會加埋verticaltasting/horizontaltasting嘅元素。
無杯點飲呀！葡萄酒酒杯要玩呢真係可以玩到好講究。有啲酒杯牌子直頭出到唔同葡萄品種都有一隻專用嘅杯。咁當然，又唔係吓吓要玩到咁大嘅，好似我呢啲凡夫俗子，屋企都係得幾款大路嘅杯嘅啫。不過酒杯嘅形狀、大小，以至材質，都確係對葡萄酒嘅表現有幾明顯嘅影響。
