雖然「拋」、「擲」、「掟」，三個字都代表手部動作，亦都代表手本來拎住一件物件，再將佢脫手既意思。但係以上分析可見用法各有細分，亦係中文／廣東話奧妙之處。如果有人話三個既意思竟然一樣，相信佢中文水平應該不如三歲細路。
七個字的平仄是「仄平平平平平仄」。如果是近體詩，如此一定不合格律，不過對聯的平仄，向來比較寬鬆，講求含意對仗，多於格律要求，總而言之，上聯尾字是仄聲，下聯尾字是平聲，就可接受（例如現在常用的一二三四五六七，孝悌忠信禮義廉，就已經不依）。所以在香港，你會看見有很多人在農曆新年經常把門前的春聯左右貼反。因為「天增歲月人增壽」才是上聯，「春滿乾坤福滿門」才是下聯。
中學時期，老師及同學的姓名千變萬化。自以為已經見過世面，連最罕見的姓名都見過。例如仇姓（名從主人，讀愁）、寶圻（讀淇）、翀閔（讀聰敏）。原來大學才是增廣見聞的好地方。讀得中大，總有幾個難字傍身，從此媽媽不用再擔心我學中文不認真了。
中國政府首腦為「國務院總理」，日本為「內閣總理大臣」，韓國則稱「大統領」，華文無故改號「總統」；譯外國議會制共和政府之首，亦多用「總理」一詞。凡此種種，都離不開一個「總」字。然而，偏偏這一「總」字被簡體中文簡化得亂七八糟，字義反轉。結果，好好一位「國務院總理」，不但不是甚麼都要理，反而要將事務理得快理得亂就可以。
我們第一次講的粗口是「屌」，而不是「幹你」。粵語流語曲、港產片在我們成長中擔當了非常重要的角色，伴隨著我們的喜怒與哀愁。當兵聽麥浚龍的《耿耿於懷》，失戀聽連詩雅的《到此為止》，中學畢業聽梁詠琪的《Today》；新年例牌翻看《家有囍事》與《行運超人》，到現在看毛記電視，一直以來最能夠激盪我們心靈的必然是粵語文化。粵語是香港人身份認同最重要的基石，在香港生活用上最多的語言是粵語，對粵語缺乏認知則難以了解香港社會的狀況，更遑論融入。
珍惜生命。「大貴於生」，就是天下之大，也沒任何東西比自己生命重要。現代教育，一味給新一代各種各樣的學習機會，上至天文下至地理，但到生死哲學，卻乏善足陳。其實只要翻閱一下呂氏春秋，二千多年前，呂不韋已叫人應該珍惜生命。自殺，因身陷逆境，別無選擇，要以一死以求解脫。但呂不韋作為大商賈，以奇貨可居而聞名天下，他說，犧牲可以，但不要作無謂犧牲，因為必然不值。為甚麼不值？全書有詳細說明，為求精簡，我只舉一例：
要同學上堂講普通話唔講廣東話，的確係會令佢地普通話更加流利。而如果家長支持普教中嘅原因，就係一心想仔女第日可以同大陸嘅各位高官商賈用普通話流利溝通，咁我亦難以反駁。我只係想大家反思：絕大部份學校已經有普通話堂，香港人係咪真係要為咗迎合中國市場而連其他課堂都要用普通話呢？香港人為咗迎合大陸，重要犧牲幾多、付出幾多去換呢？如果繼續用呢種唯利是圖嘅思維去決定我地下一代嘅教育方向，今日係普教中、他日可能係國教重臨、甚至有其他更誇張嘅政策將香港學生變做一個個「符合國情」嘅「中國人」嘅時候，我地係咪又要睇錢份上含淚接受呢？
跟外語的標音無字不同，漢字的特別之處，是以形體為造字基楚，即大部分漢字為象形字，見形知義；其後產生形聲、會意、轉注、假借、指事等造字方式（即漢代學者研究漢字結構歸納的「六書」）。訓詁學是以研究文字字形及字音來了解字義，所以文字學、訓詁學、聲韻學是相輔相成，要了解字義，必先研究形、音。當中的學問博大精深，關係千絲萬縷，真的想學的話入到大學讀中文系可以讀，不是在小學/中學讀。
曾焯文博士因襲詹憲慈《廣州語本字》之說，以「具」為廣州話量詞「嚿」本字〔注〕。余不敢苟同，今撰文駁之，未敢云匡謬正俗。冰封三尺非一日之寒，香港粵語「正字亂象」由來久矣。音韻訓詁乃考證本字所必須之基本功，可惜檯面一班「正字專家」連音韻訓詁的基礎也不曉，就教人無厘頭的「粵語正字」，一味因襲舊說而莫辨正誤，兼好作穿鑿附會之言，是舍正道而弗由也，本文不過俾讀者窺斑知豹。專此。
而家睇動畫都係聽日文睇中文翻譯字幕，係某大陸網站下載嚟睇，好記得《龍珠》譯名完全唔同，比如無閑變咗克林，魔童變咗比克，比達叫貝吉塔。係，我知道佢哋係乜水，譯名有唔同我都知道，但我唔會無啦啦同班朋友講：「哇，有冇睇尋日集《龍珠》，貝吉塔畀佛利薩（或者叫冰箱）隊冧咗呀！」如果我真係咁講，我相信一班龍珠迷打到我周身傷都似。
聽講Pokémon（ポケモン）要做中文版，仲有正體中文版添，今朝收到呢個消息真係巧好針架，畢竟對於我哋呢啲九十年代成長嘅細路嚟講，寵物小精靈同數碼暴龍根本就係童年本身。但我只係開心咗幾秒。
陰陽二字俱形聲字，陰字乃从阜侌聲、陽字則是从阜昜聲。但只要一查侌昜二字，便知侌（霒）者闇也、昜者開也。黃河文河在北平球中緯度之上，山之南坡在冬季日照較佳，故屬「開揚」，山之北坡即夏季日照也不及，故屬「陰暗」。同樣，中國國土向來受季風影響，夏吹東南風，冬吹西北風。南方有水在夏較清涼宜居，北方有水在冬則更寒冷，亦可分陰陽。既然與地有關，从阜亦合理。由此可見，陰陽二字兼能形聲會意，合理之至。
放棄廣東話、正體字，唔單係放棄日常嘅做法，更係放棄我哋嘅文化、我哋嘅根。每種語言源起，同當哋文化有密切關係。魚蛋、燒味、雞蛋仔，令人食指大動嘅港式美食；波士、的士、貼士，香港中西交匯嘅獨特文化；茶記、麥記、伙記，親切近人嘅每種稱呼。想像吓無咗廣東話、正體字，香港引以為傲嘅霓虹燈招牌變咩模樣，連食餐飯、望吓餐牌、叫碟餸，都會陌生到可怕。
「推普」真正目的係對付南方人同南方文化，佢只不過係北方人對付南方人嘅種族主義政策嚟，越喺南方就越係眼中釘、肉中刺。「中國」就係一個咁神奇嘅國家，係會連自己「民族」都會歧視嘅國家；當然，始作俑者自然又係喺五十年代將南方文化放喺「有中國特色的中國文化」對立面嘅中國共產黨。依家香港政府帶頭大搞文化滅絕，而我哋嘅教師竟然只有零星反應，儼然幫兇！
