仲記得，當年預科，想入嘅學系係中文系。點解呢？其實呢個係用撇除法刪減後所得嘅結果。或者咁講，我係由細到大比大人洗腦果批豬，洗到認為入到大學先係王道。咁所以，最終目的係入大學，但至於讀咩系呢，其實冇咩點深究過。情況就正如，有人話你聽，上天堂係終極目標，但係點先上到天堂呢？可能信佛教又得基督教又得天主教其實都得。入到大學係目的，讀咩學系係手段（好似係）。
你話你只係「文化意義」上嘅中國人，咁你邊忽中國？你出生喺香港，成長喺英殖香港，甚至你父執輩可能都係香港人。而就算你父執輩唔係香港人，係大陸「大逃港」黎香港，咁講到尾你都係香港出世香港長大掛？而你出生，成長嘅年代（又係講緊八十後為例），係英殖管治（1841 – 1997）嘅，成個香港嘅發展、成長、社會制度、價值，有邊一忽係「中華人民共和國」賦予嘅？你同「中華人民共和國」嘅文化、實際關連，究竟喺邊？
衙前圍村是九龍碩果僅存的市區古村，「衙前村」（當時仍未修建「圍」）的名字早有記載於清初（1688年）的新安縣志中，而在父老長輩之間流傳的立村傳說則可追朔至600多年前的南宋時期；可是古諮會早在94年就評定了衙前圍村不屬於「古蹟」，表示不反對其重建項目的開展，並於99年、00年及06年再次確認這決定，古諮會認為衙前圍村基本格局完整，中軸線面貌猶在，但護城河及木橋已不復存，而且大部房屋經過後期加工重修，並未符合古蹟的「標準」
粵語歌對聲調的要求則比較嚴謹，不小心有個字高半度低半度都會很「礙耳」。基本上，目前我們所能聽到的粵語流行曲，唱詞的發音和朗讀的發音往往是相差無幾，坤哥的「這是陽光點的歌 這是微風點的歌 記念曾經這麼青春過」唱出口跟講出口幾乎是一樣的。假如《陽光點的歌》從來就是一首國語歌，把以上那句隨便改成近似的「這是太陽點的歌 這是白雲點的歌 記念曾經這麼年青過」應該沒甚麼問題，但要是換成用廣東話唱的話，「陽光」就絕不能是「太陽」，「微風」就絕不能是「白雲」，「青春」就絕不能是「年青」，否則恐怕馬上會有巴打來問候我「返邊間教會」了
回看過來，由秦朝統一文字後，文字演變影響似乎都是由下而上，從人民生活及需求開始，可是由1956年開始，則是由上頒布至下。當時共產黨認為正體字筆劃太多，有礙學習，為了掃除文盲，令農村也識字，所以改革文字。理由看來是多麼冠冕堂皇，可是此改革是由上至下，而非反過來，所以政治目的才是重點。
熱愛中文，是很沉重的包袱。有熱誠，自會進學，肯進學，自有所得，驟聽總很合理，沒有bug。因此若然我說了自己熱愛，可是我往往只能用符號去加強語氣，突出語調，而寫不出感動人心，會令人一看再看，欲罷不能的中文，更無法以學位以外的言行學識去說服別人，我對不起自己，也對不起別人。鑽得深了，氣勢一弱，我連我是我，我就是我自己，聲稱一切自出機杼，然後別人不會欣賞就是如同觀望黃色鴨仔一樣民智未開，都說不出口。
正因不是人人母語都是廣東話，各處鄉處各處例，「移民」就是要移自己的風，易自己的俗去融入一個地方，語言是基本，然後就是認識、熱愛當地文化。除了中国、香港之爭，別忘了香港還有不少少數族裔。故此，日常溝通語言理應為廣東話，繼而學習書寫語言，也是學習中文，而不應學習普通話。
正如曾先生所言「《左傳》為要用最少的文字把複雜曲折的事情說清楚，所以省略了許多細節。」這些細節，要從前文後理倒推出來，今人係無咩時間同經驗去思考領略。但如果有心人提出疑問，歷史係有機會還原嘅。我國的史家，係留咗足夠的線索俾大家找答案嘅！
中樂以前都無考級嘅概念，我呢類窮撚子弟喺政府機構學，只係考內部試，的確係無乜代表性，近年先有話「中央音樂學院」嘅考級，於是近年開始，一大堆小學生都拉「陽光」、「一狂」，有音無神，惜哉。
曹操攻徐州時，笮融領男女數萬人、馬三千匹逃往廣陵郡，廣陵郡郡長趙昱把他待為上賓，但笮融因貪郡中物資殺害趙昱，更大掠廣陵。接著過江投靠秣陵的彭城相薛禮，又與薛禮一起投靠揚州刺史劉繇，奉其為盟主。
喺香港呢，如果用到潮州話、客家話、上海話，噉就已經係換咗第二隻語言，相信大家唔會接受。但係粵語嘅內部口音差異，仲有好大嘅發揮空間。八十年代嘅電影《我愛扭紋柴》就用咗大量圍頭話，馮粹帆、曾志偉嘅電影亦經常會加入潮州口音嘅廣東話；喺《百變小櫻》入面，基路仔嘅角色喺日文版係講關西話，而香港就變咗咬字唔正嘅粵語；喺近期電視劇《梟雄》入面，黃秋生就用上海佬講粵語嘅方式去突顯時代背景。呢啲其實都係一流嘅嘗試。
