其實參與討論的雙方，都對社會如何公平地處理性侵有疑慮，甚至有恐懼的情緒。提出性侵經歷的朋友，因為過去法律機關調查性侵時每每對受害人作出「二度傷害」，而對透過這個渠道取回公義，失去信心。同樣，提出「逆向」意見的人，亦對法律機制無法絕對隔絕對此機制的濫用，而害怕被污名。
係呢個階段，大家都對住呢位教練死咬唔放，如果佢係有做過，我都覺得佢係斯文敗類，人人得而誅之，但係事實上，呢件事係咪真係有發生過，到而家，甚至未來都係好難去蓋棺定論，係我自己嘅角度去睇，我亦都唔覺得一個女仔會為咗上位而衝出黎認比人非禮過，但如果佢只係順粹地希望呢位教練身敗名裂，而去將呢件事擺上枱玩謝人，咁又有無咁嘅可能先？唔好話我陰謀論，之前有一單女仔箍煲不邃，老羞成怒咁告個男仔衰十一又有，再有好耐之前仲佔緊旺嘅時候，有一班藍絲呀嬸話佔旺嘅人非禮又有，孰是孰非，無人會知道。但係以上嘅個案都可能只係呢班可能係受害者嘅人為左私利 （例如感情問題或者政治取態）而以自己嘅身體威逼其他人。兩件事都係無頭無尾，各自表述，點解大家係對住藍絲呀嬸果陣就一笑置之，對住香港嘅運動員就同仇敵愾？又唔會有人話呢啲訕笑會對藍絲呀嬸做成二次傷害？
呂麗瑤話比人性侵犯依件事動全城可能係受之前荷里活嘅影響造成。一個女仔喺自己生日嗰陣決定將心結講出嚟，指證又好發洩又好，我都覺得係一件好事：你想惡有惡報，都要受害人首先勇敢指證。不過當發聲得到廣大市民留意然後紛紛留言支持之後，「被性侵」突然好似有另一個作用咁。可能係我主觀，可能係我性別定形，但一個女仔訴說自己比人性侵犯嘅經歷，理應係有種盡訴心中情嘅釋放，例如自己其實好驚，但細個驚到唔識反應；或者係侵犯者有權有勢，自己唔識點反抗。至於依頭話自己試過唔止一次，嗰頭又好冷靜咁分析法律觀點，又強調因為喺大陸發生所以法律咩都做唔到，我希望因為事主真係女強人，睇得開放得低而又用平常心去提醒其他女性，所以可以寫得咁冷靜。
我早前有幸參加大學校隊訓練，對教練與運動員間的互動略知一二。他們日常常有的肢體碰撞，例如按摩、動作示範等的確令身體接觸出現許多灰色地帶，也令年輕的運動員難以定義何謂「性侵犯」，直至受辱也蒙在鼓裡。
只係有一次，我搵其中一個女同事傾野，同佢傾傾下，我拎佢背後既file時，佢忽然大叫「你唔好靠過黎」，我直頭呆撚左，我feel到全公司既人都對我側目。然後佢講番成件事：原來有次我同佢一齊招待D客，我伸手去拎佢檯頭卷膠紙，佢話個一刻我爭D揩到佢個胸。自此佢地講是非話我咸濕、唔知我想點，總之當我地獄淫獸。我有同佢解釋件事，我甚至話「如果令你唔開心，我好抱歉，我原意唔係咁。」
話說當我仲係著緊校服嘅年紀，有一日放學坐火車返屋企。突然間我感覺到自己個patpat俾人摸左一下。我望一望個動作嘅來源，有個後生男仔低頭望緊個電話但係對眼就喺度睄下睄下咁。
一年算是頗長的時間，剛剛能夠要達成那些「夢想」。但無情的死神如今告訴你，只餘下一個月命，你又能做甚麼呢。應該會有很多人選擇跟愛的人們一起享受每一天，渡過短暫而又平凡的幸福。但不夠出一本書、拍一條片，難以把自己的遺志記錄、承傳。悄悄的走，帶不走一片雲彩。
而家制度之下，一個病人經兩個醫生各自診斷後，相信佢係患上精神科疾病，病情嚴重，以致病人自身健康或者他人安全受到危害既時候，可以向法院申請，係經法官或裁判官同意後將病人強制留醫治理。 最近就見到有公眾人物質疑咁樣做同非法禁錮、剝奪人權無異，要求改革精神病患強制入院制度。
如果「有樓有高潮」、「結婚要買樓」、「矛盾只因深愛著」這種港女對港男無限苛索的狀態是不合理，那不合理的源頭理應不會是「港女的基因特別賤」。而肯定的是，社會的脈絡出現問題，卻沒有人正正經經的梳理。
搵工或者出嚟做臨時工時，成日都會見到啲其實真係冇咩料嘅老頂成日吹水吹到天花龍鳳，但永遠就唔會落手落腳淨係識尸位素餐，衰左就射波俾死貓人食；日光日白見人個時將「後生仔冇道德急功近利」掛喺嘴邊做衛道之士，但轉個頭夜黑飲左兩杯就大言不慚向人提出性交易換取仕途發展。如果講尊重，呢種人到底有冇尊重過自己？佢地又覺得自己憑咩值得人尊重？
古往今來，有幾多走在最前線既大學人士被認定為異端邪說？佢地都被認為精神有問題或者反社會，甚至係叛國（因為動搖到政權）。政府既做法，當然只能兩個，一係就隻眼開隻眼閉，然後有著數就大家一齊分；一係就盲目冚晒所有野一拍兩散，見人就殺。我唔記得晒以前咩大學之道喇，但係好似話拉丁文都係講緊宇宙呀嘛，即係所有野啦，係大學講野，討論，係唔應該就住就住架。
一個人如果捨棄左所謂既七情六欲，就算未能因此稱為神，大多數都會認定係聖人一樣既存在，但問題係，聖人仲算唔算係人？而再下一個問題就係，究竟聖人，仲會唔會行善行惡，定還是咩都可以，因為已經去到一個新既高度，再無一個所謂善惡既標準？如果真係成為左神／魔一樣既存在，的而且確，所有野都好似已經無善惡可言，只有佢自己作為所以然既一套標準。又或者就係因為咁，父親大人就係覺得用一個國家既人命黎幫佢成為神，係一Ｄ問題都無。
