意大利一開波已經空群而出，前場緊迫令西班牙遲遲不能入局，恩尼斯達靜過鬼，大衛施華兩邊走都滲透唔到意大利嘅密集防線。反觀意大利左翼衛迪斯基利奧不時壓上，加上基亞捷連尼中場助攻，令西班牙右閘桑法蘭非常忙碌。
將歐國杯擴展到24隊加第3名可以出線嘅傷害可以幾大呢？我簡單講一個例子，前晚葡萄牙對匈牙利補時一分鐘，匈牙利隊長迪蘇斯沙克回後場拎波，然後開始同後衛祖夏斯不停互傳，而且係原地互傳，及後送後俾返龍門基拿利，睡褲門神不負眾望以一記花式回敬隊長（洗哂版架喇，自己搵）。你冇想像過，一個只會出現係FIFA上網同人打season贏緊先會出嘅絕招，居然會出現係號稱排係世界杯之後最高水平嘅賽場之中。而最抵死係，葡萄牙真係無人埋去搶。點解？因為大家都明白3：3呢個比數對大家都最好，匈牙利點都係第一；而葡萄牙呢？冰島贏，就係依家呢個結果，第三名出線；冰島和波咩，仲上一格次名出線；好喇，就算奧地利贏波，葡萄牙都可以以三分力壓冰島出線。又點解葡萄牙咁坐定笠六，咪因為佢哋知道只要拎夠三分，而得失球差好過－2就一定出線。
紹興十一月，岳飛、岳雲兩父子被騙入獄。老將韓世忠忍不住，去問秦檜，岳飛何罪，秦檜蠻橫地回答：「其事體，莫須有？」韓世忠怒髮衝冠，氣憤地說：「打機姐，犯法呀！」Sorry呀，阿韓伯，「打機」在香港，真的是種罪。
今日，我地去電影院睇咩魔獸爭霸。無錯，二十年前，亦都係1995年，今時今日人盡皆知既Blizzard，仲係一間好細既遊戲公司。而果陣，就係推出左WarcraftII，當然唔駛講WarcraftII都仲係要係DOS到Run！果陣，每一個人相信打Warcraft同C&C都打到廢寢忘餐。而果陣香港老翻係極度猖獗，去買老翻電腦碟既人，係多不勝數。當然好多時買左返去，係隨時裝唔到都唔出奇。
歐國杯好睇嗎？要我講，我會話「唔夠好睇」，或者可以刪走埋個「夠」字。只可以講實力較弱嘅球隊比所謂熱門球隊黎得有驚喜。防守紀律、捕捉比賽嘅形勢，同埋不惜氣力嘅表現。但話雖回頭，部份熱門球隊嘅球員，係球會級賽事一整季已經踢左50-60，甚至70場比賽，然後再要去踢一個月強度非常高嘅比賽（而且大部份都係球隊嘅必然正選），老實講都係幾唔人道。從近幾多個大賽睇，球會級比賽太多令國家級賽事質素下降係明顯。減少球會級比賽（尤其係季前飛十萬公里踢嘅搵食表現賽）同增加季中休息時間已經係討論左超過10年嘅話題，但足球已經係商業活動多過競技運動，球員都似生財工具多過運動員，正如你講起歐聯，第一樣嘢都係諗起可以賺幾多錢，多過咩技術戰術個啲嘢喇係咪。所以，國家榮譽，食得架？炒唔炒得起先？
意大利第二場分組賽對瑞典，喺首場出盡奶力贏咗比利時之後，球隊嘅體力明顯地未恢復。上半場同瑞典齊齊先求穩守，上場瘋狂迫搶嘅踢法無影無蹤。前鋒艾達同柏利行行企企、食飯幾味，咁啱瑞典組織乏力，於是上半場係冇咩值得講嘅。
不論中西哲學，圓，都係極重要既概念。所以即使係日常既流行文化，圓既使用，一樣係歷久不衰，就單講日本動漫，例如火滾忍樣既螺旋丸；鋼鍊既鍊成陣（古代鍊金術既追尾蛇標誌，亦係圓）；以至成日休刊既全職獵人，都有圓作為種種能量既概念，每一款，都係獨當一面既。可能你覺得我講左好多廢話，但一句到尾，無非都係想指出
天才橫溢嘅比利時上屆世界盃功敗垂成，同球隊整體合作平平，無法做到1+1>2嘅效果。恰好意大利教練干地喺祖雲達斯執教期間孕育出一條鐵血三人BBC防線，邦路斯、巴沙利及基亞連尼合作無間，穩住後防之後中場布以三人中場作第二道防線，兩邊翼衛達美安及簡迪華助攻助守，前線柏利作柱躉裝飾、艾達喪跑全場作第三道防線更為實際。
日常生活，相信大家對還原都唔會感到陌生。例如係電腦上既文書處理，還原就係將工作，回復到上一個儲存點。好多時候，發現有Ｄ野咁樣寫無咁好，我地都會選擇還原，將佢變番一個比較舊既狀態。新既版本，同舊既版本，多數都會有相似既地方，但你有無諗過將新舊版本作並排，變成一句句子？
修習鄺體，如果你以為只係強行將句子斬到人形蜈蚣咁似斷非連，又或者亂用標點符號而故作瀟灑，咁你就大錯特錯了。呢個只係鄺體既表象。實際上，鄺體入面要表達既係宇宙入面，一即係全，全即係一既國家鍊金術式精神，咁先為之最高境界。在此，我可以有三大口訣講俾大家
鑑於歐洲國家杯臨近，不少朋友於公司，學校少不免要做下「忽然球迷」，女朋友同老婆又想搭下咀，避免出現馬騮遮眼式尷尬場面，為各位打造快樂而輕鬆嘅社交生活，特出此安全指引，俾大家參考參考。
干地揀嘅最終名單爭議之大，換黎「廿一世紀最弱意大利」之稱－無大牌、無星味、無攻力，老人問題（平均年紀28歲又10個月，史上第二老）。而佢自己係接受BBC訪問都講，今屆嘅意大利係以「outsider」定位，即係爭冠行列之外，亦指出意大利唔係冇有能力嘅年青球員，只係都太嫩口，冇咩國際賽經驗。公平啲講，意大利係有啲唔好彩。第一，干地口中「意大利最好年青球員」嘅華拉堤同「馬神」馬治斯奧一齊踢唔到，兩年黎為左接班派路而做嘅準備完全無用，中場要重新配置。第二，只係兩年時間，又有邊個諗到巴神由天之驕子，變成地底泥，自由落體速度快得令人傷感，變相前鋒又少左個選擇。
不要以為BASTION外表連同叫聲都「傻下傻下」，其攻擊力是全遊戲中最頂級，沒有之一！但極高攻擊力的代價，就是在重機槍砲台狀態下完全喪失移動能力，而且背後會露出弱點，被打中會如同爆頭般承受會心一擊。故此BASTION適合中長距離作戰，而且要避免被敵人繞道伏擊。
我相信，我話德國要捧杯嘅最大疑問，係教練路維，德國球迷都會認同。路維係曾經有過妙筆。08年歐洲國家杯，分組賽第二場輸俾克羅地亞，第三場苦戰奧地利只係靠波歷克一腳罰球險勝，以次名出線。淘汰賽階段，路維放棄高美斯，高路斯雙箭頭陣式，改打4-2-3-1，轉用舒韋恩史迪加打右翼，成功釋放波歷克嘅侵略性，一路戰至決賽不敵西班牙。14年世界杯，路維受哥迪奧拿嘅拜仁影響，模仿西班牙無鋒陣（首先佢放棄左當年德甲神射手傑斯寧），又跟足哥迪奧拿將拿姆擺係防中位。結果，一直都踢唔出最高水準，甚至16強就俾阿爾及利亞迫到打足120分鐘。結果，8強就即刻拎返4-2-3-1出黎，拿姆擺返係右閘，高路斯變返正選，就一路殺入決賽，仲創出1：7神話同第4次成為世界冠軍。
