睇番第一二三期嘅抗疫基金，就只有失業綜援放寬一倍，叫做好似幫助到失業人士，但係如果你同屋企人住，個資產限額講緊係已經要計晒你成家阿，即係你屋企兩老已經做咗好多年嘢，退咗休，揸住啲退休金，假設有兄弟姊妹，銀行戶口加埋得17萬6千？
2018年deliveroo 邀請大家轉件薪，deliveroo 就不斷講緊件薪啲正面嘅事項，我就瘋狂講佢件薪嘅負面嘢，鬧到佢哋飛起，個陣deliveroo 只需要做多啲宣傳，基本上咩銀彈都唔需要，就有一大堆人會轉過去，今次突然嘅邀請，加上一個完全前所未見嘅金額邀請你轉，我覺得唔係單純想邀請你轉咁簡單。
有日送咗單外賣去咗一幢甲級商廈，呢幢大廈我係做咗嗰區咁耐都未試過送過去，個次係第一次。可能真係咁啱得咁橋無單係送嗰度啦。（但係都好少聽到其他同事會送去呢幢大廈）咁我去到大廈接待處就諗住話要登記上樓送外賣，點知大廈接待處職員話唔俾上樓。我個陣心諗，吓？平日日間辦公時間唔可以上樓？咁我就當然打俾個客問下佢想點啦。
我講緊嘅唔係啲外賣員點處理啲食物阿，有無保溫袋之類，我提出嘅食物安全隱憂已經係響Foodpanda 外賣員跟足規矩攜帶保溫袋進行運輸嘅情況下提出，我開頭有諗過呢個問題，以為熊貓有點智慧唔會咁做，點知佢哋做咗，真係隨時可以大規模出事。呢件事關於佢哋嗰個全新嘅生活超市送貨。
網上睇到兩條片講述各間嘅外賣公司，而且又講緊啲公司唔同嘅制度之類，但係內容相當含糊加可笑，重要非常之誤導。所以我就不如詳細講下各外賣公司，同埋你應該點選擇你遇到嘅問題，例如應該做咩區呀，揀咩公司等等。
早前有師兄送緊外賣嘅時候俾人襲擊，然後俾人搶去準備用嚟找續嘅錢。 本來要求多嘅「順phone車」外賣送遞，而家開始好多師兄／師姐嘈，本身有咩嘅問題都開始講，今次主要係嚟講下良久而來發生嘅問題。
接到張單，係一間名牌朱古力店嘅朱古力嚟，每一粒好細粒都賣你20至30蚊一粒嘅名牌朱古力店嚟，嗰日我係送一個禮盒裝，係呢間舖嘅禮盒裝朱古力，咁就呢盒嘢當然係4位數字以上啦，裡面大約有20至30合朱古力啦（一粒20至30蚊，變咗禮盒裝可以暴升去四位數字……），佢一次過嗌咗好多盒，見佢埋單都已經俾緊五位數字。
本身去到搭緊𨋢上酒店房嗰陣都冇咩問題，但係去到門口我哋就見到門口掛住「 Do not disturb」。提提大家，呢一間係超高級嘅酒店，門口掛著「 Do not disturb」我哋可以敲門去通知客人外賣到咗嘅機會係零呀～！！！！因為酒店「踢DND」本身已經好困難，而且呢間酒店係超高級，無視客人提出嘅要求係近乎冇可能。
響門口個陣聽到屋入面有電視聲，但係我就梗係唔會好似電影入面嘅嗰兩個大賊Harry 同埋Marv 咁樣走咗去啦，畢竟你有電視聲，咁即係有人會接收外賣啦。我就去撳佢門鐘叮～噹～！叮～噹～！過咗十幾秒，無人開門喎。
響一個有60萬人嘅地區入面提供服務，但係響呢區負責工作員工數量竟然係少過5個人呀，係繁忙時間都係咁少人做嘢呀，我假設你成個區入面係得0.1%嘅人會嗌你foodpanda，你都有600個客呀～！！！！不過你唔好忘記你而家呢排係不斷賣電視廣告諗住搵啲新嘅客做大個餅架。
