話說公司前線部門入面有一個惡霸經理，已經做咗兩年幾三年架啦，一直以黎都係蝦蝦霸霸，埋佢堆嘅人申請放假就連續放幾耐都得，唔埋佢堆嘅平時就俾啲豬頭骨嘅工作，而想申請放假就哩樣嗰樣咁，簡單啲黎講，即係玩小圈子，成個部門俾佢搞到佢想點就點，仲要佢部門做條數出黎唔靚。有好多同事唔妥佢架啦（包括寫字樓啲經理），投訴嘅投訴，辭職嘅辭職，但係偏偏最大粒嗰個腦細又好 Buy 佢，無論啲以前同事點投訴，都吹佢唔漲。
香港本身整體嘅人力市場風氣都係，你一日唔跳槽，你一日就唔會獲得更多。你試諗下自己每年到底加幾多人工？除咗政府工同花紅按業績計算嘅工之外，其他絕大部分嘅工都係按照通漲率去加，近十年都係 Around 4% 左右，你自己都有數得計，每年咪又係加得幾百蚊，十年黎，你到底加咗幾多人工？夠唔夠你退休？
如果你問小編接受 Counter Offer 有無問題，小編就覺得係無問題嘅，都係選擇嘅一種，而且腦細都係覺得加人工俾你無問題，先選擇俾哩個 Counter Offer 你，完全唔需要有罪惡感，反而你應該有種感覺就係，明明你值哩個價，佢就偏偏要喺你走嘅時候先肯出俾你。不過小編喺到仲係有些少補充。如果你諗住接受咗個 Counter Offer，然後當咩事都無發生，繼續返去你嘅美好生活，一樣嘅工作，加咗一大截嘅人工，咁樣未免天真咗啲……
有員工一過完週末返工無厘精神，手腳有無名瘀傷，多左同事身體有毛病要請病假。老闆有感如臨大敵，監察同事放左工後係臉書上分享既帖文、相片，一見到有關於衝突、集會既畫面，就一面倒認為係員工太蠢被煽動，成晚流流長就係做埋啲多餘既事。到第二日早會時間，又或者係共同既通訊group入面，老闆直接聲明大家要忠心為公司工作，唔接受任何影響公司形象既行為。
會早到 10 – 15 分鐘嘅求職者，喺今時今日都真係算幾難得，畢竟依家都有唔少人見工，興最後一分鐘先到，再唔係就直頭遲到，一係就早到個幾兩個鐘，講緊嘅係不論咩階層嘅職位，有高有低，所以小編心入面都俾咗個 Like 哩位 IT 男。於是乎就隨即喺枱頭搵返 IT 男份 CV 出黎，然後執埋份公司嘅職位申請表，由自己個位行出去接待處，諗住親自帶哩位 IT 男入黎俾佢填 Form。
成件事原來就係個同事前一晚收工嘅時候，諗住去自己 Locker，拎返個袋，換件衫就走人。點知行到自己 Locker 嘅時候，聞到一大陣臭味，然後地下又有一大灘水，連 Locker 入面嘅野都有些少濕。
無留手提電話號碼，哩樣又係特別咗少少，哩個年代差唔多個個都有手提電話，好多應徵者都會將個聯絡電話寫喺頂頭。講係咁講，但又有啲人會留成幾個手提電話，大佬呀，係咪要小編逐個逐個打俾你，先知道佢邊個開咗機？
