中共「831決定」親手令「一國兩制、港人治港、雙普選」統統流產，順帶清哂泛民主派「大中華民主回歸」嘅袋，但失去理念和目標的政治就是一座無主寶藏，尤其是香港這個列強必爭之金山，獻世派是一大票勝利球迷而自不待言，而這兩年曾經虛火表現的所謂本土派、獨派、城邦派亦在去年陸續被打壓被逼害或自我毀滅，結果2017這場原地踏步的假選舉，民氣民望民意盡歸曾俊華這個避免香港繼續沈淪的最佳水泡。
曾俊華出了頗為特別招數，就是眾籌，他在早上十一時左右發佈，隨即籌款網站負荷過重而down機，到中午才開始真正運作，但是這樣不減這次眾籌的速度，不消一個下午，約六時左右就達到一百萬，直到現在為止零晨四時，款項達到$2,179,074，人數有9484。平均每人捐款數目為$230。這個數字其實很誇張，隨時是該眾籌網一個紀錄也不定。對比起其他政治人或政黨這個數字都是驚人，如去年七一時，眾志籌得五十萬，是眾泛民之冠，即使不計全日，曾俊華也有一百萬，也是眾志的一倍。當然你會說因為捐贈款項min pay都100元，所以自然款項會多，但是再計人數，其實都有九千多人，數字並不少，差不多是一晚紅館觀眾人數。
老老竇竇，知道薯片叔叔搞埋啲咩眾籌選舉經費，真係聽完嚇一跳，然後得啖笑。堂堂一個前財政司司長，特首候選人，竟然面皮厚到要同香港市民籌經費，仲要係Facebook講：「我不是一個人走出來宣布參選，而是要向全港七百三十五萬市民發出一份邀請，讓我們一起努力，令香港變得更好。你們的支持，將會是我競選和當選後有效施政的最大動力。」，呢段說話真係難聽過講粗口囉！
金融友最喜歡玩數字，權衡利害得失。就算係以點子去計，都一樣大小無拘，最緊要實利。上一次押注唐唐，慘遭ＷＡＴＥＲＬＯＯ，今次係咪唔忿氣，所以再整多個贏面更大既林鄭黎ＢＡＬＡＮＣＥ番？
林鄭今日的造勢會可謂星光熠熠，有周融、李國章、劉千石，嘩，呢批城中名人，你話幾正，完全係曲線，另外時常有人話她沒有與商界有關連，所以少了一些利益輸送，但是從她的站台人物並不是，有黃志祥、吳光正都出現，你話有冇金主呀？我真係恭喜你呀。
林鄭推三推四，又真係推得冇政治智慧，全世界都知你同張建宗攪扶貧，同周永新教授鬥咀落佢都係林門鄭氏，周教授個報告唔啱心水，就話人唔識公共理財，學哂老闆好勇鬥狠的性格，若果你咁識公共財政，應該更識咩叫公共福利，年三十晚就唔會俾五舊水大陸丐幫啦。況且，作為扶貧委員會主席，夠薑咪講係我決定唔做全民退保，駛乜大腳一射話曾俊華唔放水，俾曾回贈一句話從來冇計過條數，咪自己攞假嚟丟。
特首參選人，矛盾之處是你不能不露面，但即使露面了，通常只剩很平凡的賀年印象，而且只要有少許犯錯，就會成為各家拜年閒聊時的必備素材，反覆談論。一旦與節日連結起來 （例如葉劉的麒麟事件），就更是難以翻身。這裏詳細分析新年主戰場，看看各特首候選人的表現
到目前為止，曾俊華可說「晒冷」他的東西，不論是少許西式幽默感、鬍鬚與薯片形象、劍擊、中國功夫、甚至似模似樣的和諧家庭感，但林鄭呢？過去的好打得，甚麼時候可以拿出來「晒冷」一下？例如一筆過撥款？還是拆掉皇后碼頭？領袖的魅力，不是一天建成的，你過去的經驗，會成為你未來管治能力的基礎。
曾俊華出咗條片，係佢嘅師弟森美作主打，講曾俊華。成條片中唔係推銷曾俊華幾咁有能力，幾咁厲害，幾咁呼風喚雨，幾咁「有為」，而係講出兩樣好重要嘅嘢。第一，強調曾俊華「劍客」嘅身份，教劍同時教做人，打劍係佢嘅嗜好，一個人有嗜好，有寄託，有鑽研，人格性情就健全。第二，男校師兄弟之間嘅「教導」，往往只係點條路你知，你行唔行，點行，點去，唔干涉你，你知道個方法，個精神喺邊就夠嘞。有人話呢種係「role model」嘅示範法，同一般捉實你雙手叫你要咁咁咁做，係好唔同。我認為呢個係香港傳統男校嘅寶貴特質，而正因為呢一點同香港整體教育政策係如此背道而馳，所以傳統男校多有反斗但成功之輩。
其實都唔知佢係咪跟得梁振英多，學到一些鬼祟的性枱，想在網絡出位，卻又獨抱琵琶半遮面，雖然明知自己呃嬲指數甚高，若是好打得，點解唔獨戰眾怒，而假手別人在面書發相，甚至出現所謂非官方的專頁。出嚟行走江湖, 連面對網民都驚，佢道行就未夠佢老細高了。
已宣佈參選特首的前政務司司長林鄭月娥近日頻頻落區做親民騷，不過平日以私家車代步的林太明顯不太熟悉如何乘搭港鐵，她甚至連八達通都不懂用，她入閘時用八達通拍卡後，竟站在閘機前呆望着閘機，顯得不知所措，要由身旁助手提示「得喇，行得喇」，並輕拍林鄭手臂，她才懂推閘入內。
上星期看下政治資料，習近平已準備打江派。習近平多年努力，已紮穩基礎。佢係個叻人，計好晒數，不愧被人稱為習帝。只說，習近平是想天下大治的，張梁呢尐攪呢攪路，最後不會有好下場。習已有晒基礎，部署完畢，空閒到去瑞士食火煱，內政亦深耕細作，而現在只剩引蛇出洞，俾緊機會兼睇下仲有邊個潛伏，要一網打盡。而林鄭和陳茂波不單只看不到刑場將近，還趕緊走埋去黐埋一份想得著數，還要有個哭說爭不到的葉劉。其實睇住呢班盲頭覺得可悲亦好笑。
而曾俊華呢方面，係同上面一致目標的。而佢係個聰明人，是不會亂去惹是生非。專心做事就對了。
曾俊華非真民主男神，更非中央真命天子，但他所代表的正是上述個種香港人的真心核心價值（不是要民主開飯）。好似有點聰明，比你我有多點空間，無為而治搞你小D，繼續溫水煮蛙，香港人梗buy。他不是壞，只是睇落無林鄭葉劉咁擦中共鞋，但有事起上來大家都知，又未會輪到他阻止到中共。
網上反應唔係一面倒嘅。有另一派嘅意見，係覺得「挑，咪又係將港獨鬧到賤過地底泥？」、「咪又係同中共舔鞋底？」之類。又或者，抱住「我都冇票，關我叉事？」嘅心態遠離人群，對於其他網民「濕到一地都係」嘅表現不以為然。
